“’n Gesonde liggaam en ’n gesonde verstand – nie net hou oefening jou fiks nie, maar dit sorg ook vir geestelike welstand,” glo sy.
“As jy heeldag in die huis sit, veral in die winter, bied die buitelug die ideale kans om goeie vitamiene D in die son in te kry en om vars natuurlike lug in te asem. Daar is meer as genoeg kieme wat in die werkplek rondsweef dié tyd van die jaar. Kom dus uit en bly gesond!”
Zetske se wenke
1. Omhels die koue weer: Ja regtig! Om uit te kom, is verfrissend en gee jou kans om meer te beweeg as binne die huis.
2. Kry nuwe toerusting. Ek bedoel nie jy moet jou begroting knak op nuwe oefenklere nie, maar kry iets waarmee jy die koue kan aandurf en wat jou sal aanmoedig om buite te oefen.
3. Moenie dat dinge jou onderkry nie: As jou werk te veel raak en jy winterdepressie kry, help dit om aan die begin en einde van ’n besige dag tyd te maak vir oefen. Jy sal verbaas wees hoe net ’n klein bietjie oefening jou sal help om dinge beter te hanteer.
4. Kry ’n groot doelwit. Dalk wil jy gewig of sentimeters verloor of jou draftye verbeter. Kry ’n doel waarna jy kan werk. Maak dit so spesifiek moontlik en beloon jouself met ’n heerlike gesigbehandeling om jou vel teen die winterweer te bevogtig. Jou somerlyf sal ’n groot belonging wees!
Lees Meer
