Wynproe en stap: Die nuutste ervaring by Blaauwklippen

Woorde en foto’s: Clifford Roberts

'); googletag.cmd.push(function() { googletag.display('dfp-300x250-1'); }); document.write(''); }

Ek wil glo dat, soos ek, elke nuwe staptog met vreemdelinge dieselfde beginpunt het. Wanneer jy opdaag, probeer jy onopgemerk te kyk na die grootte van kuite; die logos op die kleredrag; die toerusting, soos die teenwoordigheid van daai rugsakkies met oor-die-skouer waterpypies en Noorweegse stapstokke.

'); googletag.cmd.push(function() { googletag.display('dfp-300x250-6'); }); document.write(''); }

Ek is nie ‘n gereelde stapper nie, dus soek ek ‘n maatstaf – en maats. Gaan ek dit maak?!

'); googletag.cmd.push(function() { googletag.display('dfp-300x250-2'); }); document.write(''); }

Gelukkig is ‘n nuwe staproete deur ‘n klein gedeelte van Stellenbosch se wynlande iets heeltemal anders. Die wynproeë maak dit beslis minder ernstig.

Ek is by Blaauwklippen vir hul nuwe Blouklip “Wine Trail”-staproete van 8,5km. Blouklip is die naam van die rivier neffens die plaas, en natuurlik ook waar die plaas sy naam gekry het.

'); googletag.cmd.push(function() { googletag.display('dfp-300x250-3'); }); document.write(''); }

Die ervaring is een van die nuutste van sy soort wat die ontdekking van wyn en die natuur kombineer. Die stap is ook so ingerig: met gidse wat hul kennis van die natuurlike omgewing en geskiedenis deel, en wynproeë by Blaauwklippen en twee buurplase.

Daarmee saam, sluit ons kaartjies van R1 089 per persoon ook verversings soos ‘n stewige broodjie, fynproewer sjokolade en middagete in.

Vir ons uitstappie is ons ‘n klein groep van so 10 mense. Na ‘n koppie koffie op die plaas se De Blaauwe Klip-restaurant, begin ons stap. Vinnig kom ons in ‘n ritme, maar die pas is gesellig en die grondpaadjie een van slegs gemaklike hellings. Kort-kort vertel ons gids, Charl Cilliers, iets oor ‘n wingerde wat ons verbygaan of ‘n boomspesie. Ek leer ‘n bietjie oor die streek se bergreekse, maar ook die natuurlike klimaat en grondstowwe wat hierdie so ‘n gesogte wynstreek maak.

Ons roete neem ons ook deur natuurlike bos-gebiede en oor die befaamde Blouklip.

By Dornier se gemaklike proeloekaal word ons ingewag met ‘n lekker toebroodjie en ‘n bekendstelling aan hul wynreeks. So ook by Stellenzicht se “wine pod” – ‘n luukse hout proelokaal in die veld wat ewe goed in die Skandinawiese platteland kon aard en ‘n uitsig van die berge.

Na lekker sit en kuier, voel ek my spiere kla, toe ek weer opstaan. Ek was beslis nie alleen met my bedekte blydskap om te hoor ‘n trekker met sy passasierswa is hier om ons na ons eindbestemming te neem nie. Terug op Blaauwklippen, sit ons aan eers vir ‘n wynproe en toe middagete, sommer by die proelokaal.

Tans vind die stap elke Vrydag, van 08:00 plaas. Besprekings kan gedoen word by www.blaawklippenwinetrails.co.za. Die webtuiste is ook die plek vir enige kennisgewings, soos byvoorbeeld dat die stap voortgaan ten spyte van stormskade vroeg in April.

Lees ook: Nuwe Amerikaanse styl eetplek vir Franschhoek