Was jou wit items so
• Skei jou donker, grys en gekleurde klere van jou wit items en was alle wit klere afsonderlik. Selfs grys en pastelkleure se kleursel kan afgee en jou wit wasgoed laat verdof of verkleur.
• Meng 50 ml bleikmiddel met 3 x die water en voeg by jou wit klere gedurende die wassiklus. Gebruik die bleikmiddel spaarsamig, want dit kan die kleur van jou wit items laat vergeel/grys.
• ’n Alternatief (wat minder skade sal veroorsaak), is om bakpoeier en asyn by te voeg. Jy kan ook ’n halwe koppie suurlemoensap by ’n mediumgrootte bondel wasgoed voeg.
• Was jou wit items elke keer nadat jy dit gedra het en onthou dat warm water altyd die beste opsie is as jy wit klere was.
• Die minerale in harde water (water met meer minerale as sagte water), kan jou klere grys laat vertoon. As harde water uit jou huis se krane vloei, voeg ’n halwe koppie asyn by die spoelwater tydens die wassiklus.
• Moenie vergeet om jou wasmasjien uit te spoel nie. As daar kleursel of vuilheid in jou wasmasjien agterbly na ’n vorige was, sal dit jou volgende wit-bondel affekteer. Maak jou masjien elke 2-3 maande skoon deur 3/4 koppies asyn met warm water in ’n leë was te spoel.
Lees ook: Ken jou liggaamsvorm en vlei jou figuur
Wenke vir sorgvuldige wit items
• Behandel vlekke onmiddellik. Hitte en tyd is die twee grootste faktore as dit by vlekke kom. Spoel die merk dadelik af met water en was so gou moontlik. Herhaal die wasproses as die vlek nie dadelik uitkom nie.
• Ultravioletstrale het ’n impak op natuurlike stowwe. Hang jou wit t-hempe en ander items aan ’n skoon wasgoedlyn. Menige mens sê dat hul wit kledingstukke helderder word as dit buite in die son droogword.
Lees ook: 5 praktiese doen-dit-self modewenke
Lees Meer
