Wil jy met ’n splinternuwe voorkoms spog? Skryf nou in vir kykNET se ‘Stralend’

Die gewilde TV-persoonlikheid Angelique Gerber en haar span soek 12 vroue om hierdie lewensveranderde reis saam met hulle aan te pak.

'); googletag.cmd.push(function() { googletag.display('dfp-300x250-1'); }); document.write(''); }

Al die deelnemers kry die geleentheid om ‘n nuwe en beter weergawe van hulself te word en selfs hul voorkoms radikaal te verander. Hierdie vroue word uitgedaag om hul grense te verskuif en ’n dieper begrip van hul eie potensiaal te ontwikkel.

'); googletag.cmd.push(function() { googletag.display('dfp-300x250-6'); }); document.write(''); }

Deur die loop van die reeks sal hierdie dapper dames ’n ongelooflike transformasie ondergaan en die selfversekerde en pragtige vroue word wat hulle nog altyd binne was.

'); googletag.cmd.push(function() { googletag.display('dfp-300x250-2'); }); document.write(''); }

“Stralend is nie ’n program wat fokus op gewigsverlies nie, want dit dra die boodskap oor dat jou geluk van ’n spesifieke gewig afhang. Stralend beklemtoon daardie innerlike skoonheid wat jou uniek maak. Ons bied wel wenke vir grimering en styl, maar die uiteindelike doel is selfaanvaarding, selfliefde en respek vir jou eie uniekheid,” sê Angelique.

'); googletag.cmd.push(function() { googletag.display('dfp-300x250-3'); }); document.write(''); }

Francois de Klerk, beter bekend as Fafa, sal aan Angelique se sy staan as die reeks se stilis. Fafa is ’n bekende grimeerkunstenaar en stilis in die Suid-Afrikaanse mode- en skoonheidsbedryf. Hy het die vermoë om ’n visie werklikheid te maak en mense te help om hul selfbeeld te verbeter deur middel van grimering en stilering.

JC Snooke, mede-regisseur van die reeks, sê dis nou die tyd vir vroue om lief te wees vir wie hulle werklik is. “Stralend is daar om vroue die selfvertroue te gee om hul ware self te wees. Ons fokus op die kop, hart en siel omdat dit die plekke is waar die transformasie plaasvind.”

Stuur ’n e-pos na production@talent-etc.co.za om in te skryf. Inskrywings sluit op 15 Februarie 2024.

Verfilming sal in Gauteng plaasvind.

Lees ook: WEN ASICS Gel-NIMBUS™26-tekkies!