Deur Elandrè Swart. Hooffoto Pixabay
Om gasheer te speel vir huisgaste kan ’n baie aangename ervaring wees. Omskep jou gastekamer in ’n huis weg van die huis af vir jou kuiermense.
Beddegoed
Behalwe vir silwerskoon beddegoed, voeg ’n paar kussings, ’n trooster en ’n kombers by sodat jou gaste gemaklik en warm kan slaap.
Lees ook: Hou jou matras skoon
Handdoeke
Hou altyd ’n stel handdoeke in die gastekamer, veral as jou gaste vergeet het om te bring.
Lees ook: Hoe om die 5 belangrikste beleggings vir jou huis te maak
Spasie vir tasse
Maak plek vir ’n tafeltjie of ’n bankie waarop ’n tas sal kan pas. Jou gaste sal dankbaar wees dat hulle nie so laag hoef te buk om iets uit die tas te haal nie. ’n Ottoman is ’n goeie item om sakke op te sit en ook vir stoorplek.
Lees ook: Maak self ’n kopstuk
Skinkbord of vlak bakkie
Dit kan as ’n netjiese bêreplek vir gaste se toiletware of ander klein goedjies dien.
Lees ook: Inspirasie vir die mooiste kinderkamers
Laaiers
Dis moeilik om ’n kamer rustig te laat voel as daar laaiers vir alles van skootrekenaars tot selfone en tablette rondlê. Verwyder sommer ook enige persoonlike items wat op ’n bedkassie uitgestal staan of in die klerekas gebêre is.
Onthou, minder items lyk beter en netjieser. ’n Oulike manier om laaiers vir jou gaste te los sonder dat dit onnetjies lyk, is om dit in ’n mooi boks op die tafel te sit.
Gemaklike sitplek
Party mense voel nie gemaklik om op ’n bed te sit nie en jy wil nie hê jou gaste moet ongemaklik voel nie. Plaas ’n gestoffeerde leunstoel in die kamer met ’n tafel en lamp naby.
Goeie beligting
Dit is altyd goed om ’n lig naby die bed te hê sodat jou gaste nie in die donker hoef te struikel nie. ’n Goeie leesliggie langs ’n stoel is ook goed.
Spasie in die kas
Maak plek vir jou gaste se klere en maak ook ’n laai of twee leeg. Los minstens ses hangers in die kas. ’n Haak agter die deur kan nuttig wees vir ’n handsak, baadjie of ’n kamerjas.
Sorg vir die basiese
Voorsien papier en penne of potlode én ’n haardroër. As jy nie ’n ekstra strykyster en strykplank het nie moet jy vir jou gaste vertel waar dit is.
Lees ook: Raam jou foto’s
Voorsien ’n stel huissleutels
Almal sal meer ontspanne wees en makliker kan kom en gaan. Jy sal nie elke keer huis toe hoef te jaag as iemand wil ingaan nie en hulle sal nie voel asof hulle jou verontrief wanneer hulle laat by die huis kom nie. ’n Lysie van dinge om te sien en te doen sal ook welkom wees en onthou om vir hulle instruksies te los oor hoe jou huis se sekuriteitstelsel werk.
Lees Meer
