Ons is gaande oor bekendes soos Cara Delevingne en Jennifer Connelly se wenkbroue. Voller wenkbroue raam jou gesig en komplimenteer jou oë, sê Tamsin van der Spuy, stigter van Alila Professional Makeup.
Tamsin deel haar top 5 wenkbrou-wenke met ons:
Stap 1
Belê in ’n goeie haartangetjie, wat sal verseker dat jy van daardie ongewenste fyner haartjies ontslae raak.
Stap 2
Gebruik ’n wenkbrou-borseltjie en kam jou wenkbroue opwaarts en knip dan enige haartjies wat bo jou wenkbrou-lyn groei met ’n skêrtjie af.
Stap 3
Die beste manier om jou wenkbroue te vul, is met ’n mat poeier-oogskadu of wenkbrou-poeier. Dit sal vir jou die mees natuurlike voorkoms gee. Vir donkerder gelaatskleure gebruik kleure soos swart of mocha-bruin en vir ligter veltone gebruik sagte bruine of beige skakerings.
Druk die wenkbrou-borseltjie saggies in die oogskadu of wenkbrou-poeier, en vee saggies oor jou haartjies om die wenkbroue te vul. Kort, opwaartse bewegings werk die beste.
Stap 4
Gebruik nou ’n skoon maskara-borseltjie en kam deur jou wenkbroue om die kleur te versag sodat dit meer natuurlik lyk.
Stap 5
Jy kan selfs ’n klein bietjie haarsproei op die maskara-borseltjie sproei en deur jou wenkbroue kam om dit op hul plek te hou. Makliker nog – gebruik ’n wenkbrou-jel of mousse.
Onthou:
“Vir die beste resultate moet jy jou wenkbroue deur ’n professionele wenkbrou-kenner laat “shape.” Daarna is die instandhouding van jou wenbroue soveel makliker,” sê Tamsin.
Die Alila-span het vir een van die dames in die kantoor ’n vinnige “mini-makeover’ gegee en haar wenkbroue gevul, kyk net die verskil!
Na
GOSH Eyebrow Pencil in Brown.jpg){kind=small}
Rimmel Brow This Way Sculpting Kit
Eylure Brow Palette
Lees Meer
