Waterblommetjiebredie

Instructions

Kap 2 uie fyn en braai in genoeg avokado-olie in ’n groot kastrol.

Sny 1 kg lamsribbetjies in klein porsies, geur met sout en gemaalde swartpeper en braai in dieselfde kastrol tot goudkleurig.

Skil 2 aartappels, sny in blokke en voeg by.

Voeg 250 ml witwyn by en sit die deksel op. Prut stadig tot die aartappels begin sag word, maar nog vorm behou.

Voeg 1kg afgespoelde waterblommetjies sonder stingels en ’n knypie fyngemaalde naeltjies by en geur na smaak. Sit die deksel op en prut stadig tot die waterblomme sag genoeg na jou smaak is.

Geur met suurlemoensap. Sit voor met rys en appelkoosblatjang.