kategorieë: Sukses en geldJou lewe

Wat sluit jou reisversekering regtig in?

Wat sluit jou reisversekering regtig in? deur Anet Schoeman

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

“’n Ongeluk reël nie vooraf met jou nie”, troos ’n kollega onlangs nadat ek my knieligamente op ’n trampolien morsaf geskeur het.

Ja, ongelukke gebeur gewoonlik op die mees ongeleë tyd op die mees ongemaklike plek. Hoewel daar nooit ’n goeie tyd is om ’n mediese probleem te hê nie, is dit voorwaar aansienlik meer gekompliseerd en duur as dit buite jou landsgrense gebeur.

'); googletag.cmd.push(function() { googletag.display('dfp-300x250-3'); }); document.write(''); }

Travel Insurance Consultants (TIC), ’n afdeling van Santam, sê dat hul  bevindinge toon dat 50% van alle reinsinsidente waarvoor reisigers eise instuur, ongelukke is.

En as jy dink jy is ten volle gedek omdat jy reisversekering kry as jy jou vliegkaartjie met jou kredietkaart betaal, dink weer …

Hier is drie belangrike wenke van die Travel Insurance Consultants:

Wenk 1: Maak seker jou reisversekering sluit jou aktiwiteite in

Maak seker dat jou reisversekering die aktiwiteite waaraan jy gaan deelneem, insluit. Skubaduik en ski word nie altyd ingesluit nie.

Reisversekering maak ook ’n onderskeid tussen kompeterende deelname aan ’n sportsoort en deelname as ontspanning.

Maak seker jy vergelyk appels met appels as jy verskillende soorte reisversekering met mekaar vergelyk. Sportsoorte soos “cage fighting”, rugby en boks het spesiale versekering nodig.

Jag, valskermspring en perdry word nooit ingesluit nie. Die meeste versekeraars sal nie eise hiervoor aanvaar nie.

Lees ook: Pasop vir hierdie slaggat vir jou motorversekering

Wenk 2: Verstaan die moontlike onkostes van ’n besering

Wees bewus van die potensiële omvang van onkostes van ’n besering. Dis nie voldoende om net goeie dekking vir beserings en mediese onkostes te hê nie.

Een van die gevalle waarmee TIC onlangs te doen gehad het, was ’n reisiger wat ses ribbe en ’n platgevalde long na ’n ski-ongeluk in Slowakye gehad het. Sy versekeraar het ook ’n private bestuurder gehuur om drie en ’n half uur ver te ry om hom by die afgeleë ski-oord op te laai en na Wene te bring vir behandeling. Geen taxi was bereid om so ’n lang reis te onderneem nie. Sy dekking het hom ook na Suid-Afrika in sakeklas teruggevlieg omdat sy dokter dit vereis het. Dus ’n verdere R33 900 vir die rekening!

Dieselfde kan gebeur as jy ’n been breek of knieligamente skeur, omdat jy nie met ’n stywe been in gips of in ’n beenstut in ’n gewone sitplek sal pas nie.

Lees ook: Hoe om te verseker dat jou finansies nie in ’n vliegramp sal ontaard nie

Wenk 3: Onthou, jou rande rek dalk nie so ver oorsee nie

Die meeste kredietkaarte sluit reisversekering in as jy ’n volle-tarief retoerkaartjies koop. Dit mag beperkte mediese versekering insluit, maar sodra jy in ’n vreemde land is met verlaagde koopwaarde vir jou rand, kom jy agter dat dit nie voldoende is om astronomiese hospitaalkostes te dek nie.

Hospitalisasie vir toestande wat jy reeds het voor jy vlieg, is gewoonlik uitgesluit.

Lees ook: 6 maniere om gemakliker te reis

Maak dus seker dat jy weet wat jou reisversekering insluit en maak aanpassings voor jy vertrek sodat jy met ’n geruste hart kan vakansie hou – al draai die noodlot teen jou.

Lees ook: 2 dinge wat jy moet weet oor jou motorversekering en grensposte

Deel
Gepubliseer deur
Catherine Schenck

Onlangse plasings

Spesiale potgooi oor ‘Niggies’ gaan al jou vrae beantwoord

Die eerste episode van kykNET se nuwe dramareeks, Niggies, was skaars uitgesaai toe kykers al…

1 hour Gelede

Nare bedmaats: Raad vir stofmyte

Nare bedmaats: Raad vir stofmyte deur Anet Schoeman. Hooffoto: iStock/fongleon356   As jy volgende keer tussen…

19 hours Gelede

Sensitiwiteit: ’n Gawe of ’n vloek?

Sensitiwiteit is nie ’n swakheid of iets wat reggemaak moet word nie. Dis iets wat…

21 hours Gelede

Bob Martin se virtuele portaal vir troeteldierversorging

Soms is dit moeilik om die ouer van ’n troeteldier te wees, veral wanneer dit…

21 hours Gelede

Wat soek ‘Kokkedoor: Son & See’ se beoordelaars? Sjef Yolani Abrahams vertel

Die passievolle kos-entoesias Yolani Abrahams (32) is saam met Herman Lensing een van die beoordelaars…

24 hours Gelede

Dié ekspo in Pretoria bied iets aan vir die hele familie – Dis Outdoor X tyd

Vanaf 30 Mei tot 1 Junie, vind dié ekspo plaas by Idlewild Country Estate, net…

1 day Gelede

Hierdie webwerf gebruik koekies.