Wat ouers moet weet van die HPV-vaksien deur Salomé Delport. Hierdie artikel het oorspronklik in die Augustus 2017-uitgawe van rooi rose verskyn. Hooffoto: iStock/jarun011
Wat is HPV?
Die seksueel oordraagbare menslike papilloma-virus (MPV) veroorsaak servikale kanker.
Kan jy dit keer?
Ja. Een van die groot spronge vorentoe is dat hierdie kanker nou voorkom kan word deur jou dogter bloot te laat vaksineer.
Waar kry jy die vaksien?
Alle dogters in staatskole kry die geleentheid om op staatskoste gevaksineer te word – wat ’n reeks inspuitings in die boarm behels. Maar as jou dogter in ’n private skool is of tuis geskool word, is dit jou verantwoordelikheid. Kontak jou pediater of huisdokter.
Hoekom huiwer ouers – selfs staatskoolouers?
Die gebruiklike ouderdom vir hierdie vaksie is nege. As ouers is ons ongemaklik hiermee, waarskynlik omdat ons nie seks en dogtertjies van hierdie ouderdom kan verbind nie, sê dr. Kenneth Alexander, hoof van aansteeklike siektes by die Nemours Children’s Hospital in Orlando, Florida.
“Dit gaan oor beskerming teen kanker, nie oor seks nie. Jy kan jou kind potensieel lewenslange beskerming gee teen sowat 70% van die MP-virusse wat servikale kanker veroorsaak, deur inenting op ’n jong ouderdom, voordat seks enigsins ter sprake is.”
Wat van seuns?
Daar is twee verskillende vaksine: Gardasil en Cervarix. Gardasil beskerm jou ook teen genitale vratte en word daarom ook vir seuns aanbeveel. Die staat betaal nie hiervoor nie, en jy sal self jou seun moet laat vaksineer.
En as jou kind ouer is?
Die vaksien is die doeltreffendste as dit toegedien word voor seksuele aktiwiteite begin. Dit kan later ook nog help maar potensieel met minder sukses.
Lees ook: Die 5 inentings wat jy as volwassene moet kry
“Ek het al gehoor dat mens komplikasies na ’n vaksien kan ontwikkel”
Lees Meer
