Kan jy dink aan ’n beter manier om die begin van somer te vier as om aan die beste vonkelwyne te teug en om die nuutste craft jenewers te probeer?
Die Wade Bales Cap Classique & Gin Affair vind gedurende die naweek van 25 November in Johannesburg plaas en bied jou die geleentheid om te ontspan terwyl jy aan vonkelwyn en gin teug. Die feesvieringe vind plaas by die Roof Top Terrace Bar van die Southern Sun Hotel in Hyde Park. ’n Gesofistikeerde en stylvolle ervaring word beloof, met ’n pragtige uitsig en goeie musiek.
Daar sal meer as 50 van Suid-Afrika se top-MCC vonkelwyne (almal gemaak in die Methode Champenoise-styl) beskikbaar wees, insluitend Graham Beck, Steenberg, Krone en Simonsig.
Proe en vier ook die drankie wat die vinnigste groei in die wêreld: jenewer! Daar sal meer as 20 craft jenewers wees om te beproef en plaaslike vervaardigers sal hierdie geleentheid bywoon om hul kennis en unieke insig oor dié drankie te deel.
Foto: Conrad Bester
Meer inligting
Datums: Saterdag 25 November: 15h00 – 19h00 en Sondag 26 November: 13h00 – 17h00
Plek: Roof Top Terrace Bar, Southern Sun Hotel, Hyde Park, Johannesburg
Kaartjies: Early Bird–kaartjies kan gekoop word deur Quicket teen R230 per persoon tot en met Maandag, 30 Oktober 2017
Daarna sal dit R290 per persoon kos. Hierdie fooi sluit in ’n gratis vonkelwynglas en onvoorwaardelike toegang tot al the MCC en jenewer-produkte wat op die dag beskikbaar sal wees. Dit sluit verder ses oesters per persoon in om die geleentheid af te rond. Verdere kos sal te koop wees by die hotel.
Daar is beperkte kaartjies, so bespreek vooruit om teleurstelling te vermy.
Besoek die webblad hier vir meer besonderhede of koop jou kaartjies hier
Lees Meer
