Vyf-vinnige-vrae-Vrydag met baanbreker tydrenjaer Elvéne Vonk

Elvéne Vonk, die King Price Xtreme se baanbreker tydrenrenjaer, het in ’n renjaerfamilie grootgeword met die bekwame tydrenjaer Kassie Coetzee as pa. Gegewe Kassie se nalatenskap, behoort dit kwalik as ’n verrassing te kom dat Elvéne besluit het om self agter die stuurwiel in te klim. Sy het haar motorsportdebuut in 2006 gemaak en is nou ’n uitblinker in die wêreld van tydrenne.

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Wat die sport vir Elvéne van ander onderskei, is nie net die intense kompetisie nie, maar ook die kameraadskap: “Of ons nou langs mekaar op ’n enkele baan kompeteer en of jy ’n mededinger bystaan wat in ’n moddergat vasgeval het, ek is mal oor die eenheidsgevoel.”

'); googletag.cmd.push(function() { googletag.display('dfp-300x250-3'); }); document.write(''); }

Elvéne droom daarvan om die kampioenskap vanjaar saam met haar mederenjaer, Jayden Else, te wen. Op die duur, soos elke tydrenjaer, wil sy ook daarvan ’n oorwinning in die Dakar-tydren behaal

In hierdie oorwegend manlike sport, staan Elvéne Vonk uit vir haar kenmerkende sin vir rigting en strategiese uitvoering. Sy is opgewonde oor die groeiende aantal vroulike renjaers in die sport, en sy moedig vroue aan om hul sterkpunte te omhels en hul man te staan in hierdie adrenalien-gevulde arena. “Motorsport se voorbereiding is veeleisend, maar vir seker die moeite werd. Dit bied baie voordele om jou jonk, sterk en gesond te hou. Vir my is dit ’n lewenswyse en nie net ’n sport wat ek beoefen nie.”

Karlien Meiring het meer oor haar passie vir motorsport gaan uitvind.

As ’n suksesvolle vrou in ’n sport wat deur mans oorheers word, wat was die grootste uitdagings wat jy al in die gesig gestaar het?

Motorsport en veldwedrenne word deur mans oorheers, maar in motorsport sien ons nie geslag raak nie. Ons neem as mense deel en respekteer mekaar as mededingers. Daar is niks wat ’n manlike roete-aanduider kan doen wat ’n vroulike roete-aanduider nie kan doen nie. Ons ruil wiele om in dieselfde tyd, ons verduidelik en dui die roete op dieselfde manier aan, en kan ewe maklik oplossings vind. Die grootste uitdaging wat ek elke dag in die gesig staar, is die wanopvatting wat mense van vroulike roete-aanduiders het, maar ek het groot drome om dit in die nabye toekoms vir elke ander vrou wat ons sport wil beoefen, te verander.

Hoe het die landskap vir vroue in motorsport oor die jare ontwikkel? Watter veranderinge sal jy graag in die toekoms wil sien?

Vroue was nog altyd deel van motorsport, dalk nie in dieselfde kapasiteit as mans nie, maar dié wat daar is en was, het oë laat rek. Vroue is besonders goed met rigting en uithouvermoë. Ek sal graag meer vroue in hierdie wonderlike sport wil sien.

As ’n mededinger, wat is jou toekomstige doelwitte en drome binne die wêreld van motorsport? Is daar enige spesifieke prestasies waarna jy mik?

Vir seker! Ek het al vier Rally of tydrenkampioenskappe verower. My doelwit is om ook ’n kampioenskap in veldwedrenne te wen. Ons het ’n groot geleentheid wat voorlê; om aan die legendariese Dakar-wedren in 2025 deel te neem. Dit was nog altyd een van my grootste doelwitte om ’n Dakar te doen. Maar ons wil beslis nie net deelneem nie, ons beoog om in die top-10 te eindig.

Het jy enige gewoontes wat jy as noodsaaklik beskou voordat jy die baan aandurf?

Ons moet voor elke wedren ’n toetslopie doen waarin ons ’n wiel binne twee minute moet omruil. As ons hierdie lopie voltooi, kry ons gewoonlik nie teëspoed op die baan nie.

Van die baan af, hoe ontspan jy?

Ek is vreeslik lief vir motorfietse. Ek geniet my Ducati Panegale-superfietsritte saam met my vriende.

Lees ook: Vyf-vinnige-vrae-Vrydag met model en mode-ontwerper, Laverne Turner-Manuel