Hier is raad om verkoues en griep te beveg:
1. Eet meer vrugte en groente
Groente bevat vitamiene en minerale wat jou immuunstelsel opbou. Vrugte en groente wat vitamien C bevat soos rooi en groen soetrissies, donker groen groente soos kool, kiwi, pynappel, mango, broccoli, aarbeie en lemoene help jou teen verkouekieme baklei.
2. Slaap meer
Wanneer jy slaap, ontspan jou liggaam en herstel homself. Te min slaap kan jou immuniteit laat afneem.
3. Was jou hande deeglik!
Kieme kan vir ure aan deurhandvatsels, roltrappe, ligskakelaars en speelgoed klou. Moedig gesinslede om hul hande te was as hulle by die huis kom, voor elke ete en veral na speeltyd. Gebruik ontsmetmiddels vir hande as warm water en seep nie beskikbaar is nie.
4. Oefen
Dis moeilik om op koue, donker wintersoggende op te staan vir oefeninge, maar dit is belangrik om jou oefenroetine in die wintermaande te handhaaf. Gereelde matige oefeninge versterk en ondersteun jou immuunstelsel. Stap 20 minute elke dag en langer ente oor die naweke om vars lug in te neem en oefening te kry.
5. Drink ’n immuunversterkende aanvulling
Spesifiek een wat virale infeksies bekamp. Kies een met aktiewe bestanddele, soos Vitamien C en Echinacea. Dit kan jou liggaam beskerm met anti-inflammatoriese bestanddele en antioksidante.
Lees ook: Divertikulitis: meer as net maagpyn
Lees Meer
