Vrolike fraiings

Vrolike fraiings deur Cornel Dunn. Hooffoto: beyhanyazar/istock images

Fraiings is afkomstig uit ateljees van die 16de eeu in Frankryk: Kunstenaars het dit tot ’n unieke kunsvorm vervolmaak. Dit is altyd – soos in die tyd van kloskant – met die hand gemaak.

Fraiings is aanvanklik as militêre versierings gebruik maar dit het later oorgevloei na die loopplanke. Die 1920 fraiingrokke is ’n goeie voorbeeld hiervan. Dit is ook later in die hippie-era van die 1960s en die 1970s gesien.

Hoe om fraiings in jou huis te implementeer

Fokus op bybehore. Moenie bang wees om baie fraiings en selfs pom-poms by die dekor te voeg nie.

Meng

Maak gebruik van verskillende style in fraiings. Moet nooit dieselfde ontwerp oor en oor gebruik nie.

Pas fraiings by jou persoonlike styl

As jy ’n rustieke of antiek-sjiek voorkoms verkies, kan jy nooit genoeg fraiings of tossels hê nie. In ’n skoner omgewing, aan die ander kant, fokus liefs op ’n tapyt met so ’n afwerking. As jy ’n voorstander van die Boheemse styl is, kan jy volop gebruik maak van oorgooidekens, lopers en strooikussings met tossels en fraiings. Onthou ook dat die lengte van die fraiings in proporsie tot die item moet wees. Dit moet jou nie oorweldig nie en dimensie is baie belangrik om in ag te neem.

Beligting

Indien jy nie weet hoe om fraiings by jou bestaande dekor te voeg nie, kan jy dit altyd deur middel van beligting doen. Daar is volop lampkappe wat met fraiings omsoom is.