Viva Italia!-potjie

Genoeg vir 6

Bestanddele

• 60 ml (¼ k) olyf- of avokado-olie
• sout en gemaalde swartpeper
• 250 g (1 k) koekmeel
• 4 (sowat 1,5 kg) lamskenkels, in 3 cm-stukke gesny
• 2 uie, gekap
• 1 stingel seldery, dun gesny
• 2 wortels, geskil en in 3 cm-stukke gesny
• 2 knoffelhuisies, gekneus
• 250 ml (1 k) rooiwyn
• 2 x 410 g-blikke heel geskilde tamaties, fyn gedruk met ’n vurk
• 250 ml (1 k) aftreksel
• hand vol tiemieblare
• hand vol orego
• fyn gerasperde skil van 1 suurlemoen
• 2 hande vol groenboontjies, groeikant afgesny

Gremolata

• hand vol pietersielie, gekap
• 1 knoffelhuisie, gekneus
• fyn gerasperde skil van 1 suurlemoen

Metode

1. Geur die meel na smaak, rol die vleis daarin en verbruin in die verhitte olie in die potjie.
2. Voeg die uie, seldery, wortels en knoffel by en verbruin. Geur na smaak.
3. Voeg die rooiwyn, tamaties, aftreksel, tiemieblare, orego en suurlemoenskil by. Bedek en prut vir sowat 2½ uur tot die vleis sag is.
4. Pak die groenboontjies bo-op, bedek en prut vir 15-30 min. tot die bone gaar is.
5. Gremolata: Meng die pietersielie, knoffel en suurlemoenskil, strooi oor die potjie net voor jy dit met romerige polenta voorsit.