Breek weg van die geruis van die stad en spandeer ’n dag saam met vriende en familie terwyl julle heerlike kos, wyn en vonkelwyn geniet – natuurlik met musiek op die idilliese groen grasperke van een van Stellenbosch se oudste wynlandgoedere.
Die Vergenoegd Löw Wynlandgoed is bekend vir sy tydlose sprankel met pragtige Kaaps-Hollandse argitektuur, uitstekende wyne en die bekende Indiese Hardloper-eende. Hierdie landgoed is opgewonde om hul somerkonsertreeks, wat op Sondae plaasvind, se tweede seisoen in te lui.
Daar is ’n feestelike kosmark wat op die grasperke plaasvind, en natuurlik ook die landgoed se heerlike wyne. Daar is ’n spesiale afdeling vir kinders – die kinderdorp – wat verseker dat daar hope vermaak vir die jongspan is … en om ouers ’n ruskans te gee.
Elke konsertdag begin om 11h00. Die openingsopvoerings begin om 12h00 en die hoofopvoering vind plaas om 16h00. Die konserte eindig om 18h00.
Kaartjies is beskikbaar teen R150 per persoon. Kinders onder die ouderdom van 10 geniet gratis toegang. Kos en drankies word apart verkoop teen addisionele koste. Bespreek jou kaartjies hier
2018 se konsertreeks lyk as volg
- Sondag 4 Februarie 2018: Matthew Mole (met Chris Werge, Jesse Jordan en John Niel)
- Sondag 4 Maart 2018: Desmond and the Tutus (met SNAFU, Rivertones en Akkedis)
- Sondag 25 Maart 2018: Arno Carstens (met Dave Ferguson, Marcel Dalmayda, Jake Gunn en Devin Smith)
- Sondag 8 April 2018: Goodluck (met Gemma Griffiths, Grace Delahunt en Timothy Demonk)
Vergenoegd Löw Wynlandgoed is geleë op die Baden Powell-afrit, Stellenbosch. Vir meer inligting, bel 021 843 3248 of loer op hul webblad en sosiale media.
Lees Meer
Vinnige salmpasta
18/12/2024
Verleng die lewe van jou swembroek
18/12/2024
Maak die meeste van jou vakansiedae in 2025!
18/12/2024
