Verander jou trollie
Om na die inhoud van my winkeltrollie te kyk, is een van die verstommendste visuele merkers van die verandering na ’n laekoolhidraatleefstyl. Die inhoud van ons trollie lyk heeltemal anders as ’n jaar gelede.
Deesdae lyk ons trollie só:
- Veselrige en groen groentes: avokado’s, spinasie, roket, pampoen, groenbone, blomkool, murgpampoentjies, eiervrug, broccoli en meer.
- Proteïene en vet: beesvleis, varkvleis (spek ingesluit), lamsvleis, hoender, vis, eiers.
- Suiwel: volvet-jogurt, volroommelk, room, botter, kaas.
- Peuselhappies: neute, biltong, droëwors.
- Bakbestanddele en kruideniersware: amandelmeel, psylliumvesel, klappermeel en -olie, vlassaad.
Wat in ons trollie was:
- Bokse graankos en pap.
- Vrugtesapkartonne, volgraanbrood, broodrolletjies, “wraps” en pitabrood.
- ’n Paar klaargemaakte maaltye soos lasagnes en pizzas.
- Pakkies 2-minuutnoedels, kitssop en pastasouse.
- Pasta en rys.
- Groente soos aartappels, mielies, ertjies en wortels.
- Proteïene in die vorm van vooraf vervaardigde krummelhoenderporsies, gevriesde vis in krummels, visvingers.
- Suiwel: melk, versoete laevetjogurt.
- Peuselhappies: tjips, koekies, roomys, gaskoeldranke.
Teken in vir rooi rose en kosredakteur, Vickie die Beer, se #VryVanKoolhidrate-nuusbrief en ontvang vir ’n maand lank weekliks ’n nuusbrief met resepte, wenke en inspirasie om jou te help op jou pad na ’n gesonde laekoolhidraatleefstyl. Klik hier.
Vickie se nuwe kookboek, My Low Carb Kombuis, is nou landwyd beskikbaar! Klik hier vir meer besonderhede.
