Beroep:
Uitvoerende bestuurder: groepkommunikasie, Clarins.
Ouderom: 40
Wat is jou skoonheidsgeheim?
Gebruik twee keer per dag ’n reiniger en verfrisser en een keer per week ’n afskilferaar.
Is ’n goeie vel in jou gene?
Ja.
Watter produkte gebruik jy?
Ek is bederf omdat ek vir Clarins werk en toegang tot vele produkte het. Ek gebruik Clarins se Extra Firming-reeks wat spesiaal vir ons 40-plussers geformuleer is.
Gaan jy vir gereelde velbehandelings, mikro-dermabrasie of botoks?
Ek het nie genoeg tyd om gereeld ’n spa te besoek nie, daarom bederf ek my maar naweke by die huis. Saterdagoggende ná ’n lang stap is my bederftyd.
Wat pla jou van jou vel namate jy ouer word?
Ek voel gemaklik met hoe my vel nou lyk. Die enigste bekommernis is pigmentasie vanweë ons leefstyl. Ek gebruik elke dag sonskerm, maar jy kan ook nooit die son se refleksie onderskat nie.
Beskryf jou leefstyl
Ek glo aan ’n gebalanseerde lewe. Ons is dalk nie hier vir lank nie, so kom ons geniet dit terwyl ons kan. Ek eet baie groen groente, drink genoeg water en eet ook proteïene. Oefening is baie belangrik, en ek oefen minstens drie keer per week – so kan ek ’n glas wyn drink sonder om skuldig te voel!
Lees Meer
