Lesse geleer en uitdagings van vas as leefstyl deur Salomé Delport.
Hierdie is artikel 13 in ’n reeks van 14 waar Salomé dagboek hou van haar vas-ervaring PLUS bykomende inligting verskaf.
Lees die artikel op bl. 60 in die September 2018-uitgawe en volg ons daaglikse artikels om meer uit te vind.
Week 4, Dag 7
Lesse geleer en uitdagings van ‘n vas
Van die dinge wat ek nou weet is:
- Dit is nie so moeilik om te vas nie. Hongerte is nie regtig deel daarvan nie.
- Dit pla nie so dat dit my verhinder om te fokus, te werk en te oefen nie.
- As jy jou vas vroeg om een of ander rede breek is dit nie doodsake nie. Hervat maar net jou patroon. En as jy in die aand ‘n bietjie later geëet het, breek jou vas maar net sestien uur later. Hervat jou patroon deur aandete op die gewone tyd te eet.
- Besluit oor hoe lank jy wil vas. Begin liewer stadig. Ek self vind dit maklik om langer te vas. Ek mik om geleidelik oor te skakel na ‘n 18/6 vas – al doen ek dit dan ook net twee, drie dae per week.
- Die uitdaging vir my bly steeds om minder stysels – eintlik minder in die geheel – te eet.
- Nog ‘n uitdaging om aan te werk is genoeg oefening, veral vastende oefening as ek wil gewig verloor.
Oor na jou – vir oulaas
Wat is die twee grootste uitdagings van die vasdieet vir jou? En jou twee beste wenke vir iemand wat wil begin vas?
Groete en gegroet! Salomé
Lees ook
Nota
As jy ‘n diabeet is of dink dat jy dalk insulienweerstandig is of metaboliese sindroom het, al met anoreksie of bulimie gediagnoseer was of aan enige ander chroniese siekte ly, of lewer- of nierprobleme het moet jy liewer met jou dokter gesels voor jy enige vorm van vasting aanpak. Die vasdieet is ook nie geskik vir kinders, swanger vroue en bejaardes nie.
