Beet-en-blomkool-hoemoes

Genoeg vir 250 ml

• 100 g (sowat 2 middelslag) bete, skoongeskrop
• 220 g blomkool, in blommetjies gesny
• 30 ml (2 e) olyfolie
• sout en swartpeper
• ’n 400 g-blikkie cannellini-bone, gedreineer
• uitgedrukte sap van 1 lemmetjie
• 15 ml (1 e) tahini
• 5 ml (1 t) fyn gekapte knoffel
• 5 ml (1 t) komyn, fyn gemaal

1 Voorverhit die oond tot 200 °C.
2 Pak die beet en blomkool in ’n oondpan, sprinkel die olyfolie oor en geur met sout en swartpeper.
3 Rooster die groente vir 30-35 min. of tot goudkleurig en gaar.
4 Haal uit en laat afkoel.
5 Verwerk die beet, blomkool, bone, lemmetjiesap, tahini, knoffel en komyn saam in die bak van ’n voedselverwerker tot glad.
6 Geur met sout en swartpeper en skep in ’n opdienbakkie.

Doopsous met ertjies, broccoli en kruisement

Genoeg vir 250ml

• 220 g broccoli, in blommetjies gesny
• 250 ml (1 k) bevrore klein ertjies (petit pois)
• 125 ml (½ k) volroomjogurt
• hand vol spinasie
• groot hand vol kruisement
• 15 ml (1 e) fyn gekapte knoffel
• 7,5 ml (1½ t) fyn gekapte groen brandrissie
• sout en swartpeper

1 Blansjeer die broccoli en ertjies vir 2 min. in ’n groot kastrol met kokende, gesoute water. Dreineer en dompel dadelik in ’n middelslagbak met yswater.
2 Verwerk die broccoli, ertjies, jogurt, spinasie, kruisement, knoffel en brandrissie saam in ’n voedselverwerker tot glad.
3 Geur met sout en swartpeper en skep in ’n opskepbakkie.

Wortel-en-gemmer-doopsous

Genoeg vir 250 ml

• 200 g klein wortels, geskil
• 30 ml (2 e) olyfolie
• sout en swartpeper
• ’n 400 g-blikkie keker-ertjies
• 15 ml (1 e) fyn gekapte gemmer
• 15 ml (1 e) tahini
• 5 ml (1 t) fyn gekapte knoffel
• 5 ml (1 t) vinkelsaad, fyn gemaal

1 Voorverhit die oond tot 200 °C.
2 Pak die wortels op ’n oondpan. Sprinkel olyfolie oor en geur met sout en swartpeper. Rooster die wortels vir 30-35 min. of tot goudkleurig en gaar.
3 Verwerk die wortels, keker-ertjies, gemmer, tahini, knoffel en vinkelsaad saam in ’n voedselverwerker tot glad.
4 Geur met sout en swartpeper indien nodig.

Allerlekkerste krakerige blare

Genoeg vir 6

Kyk, ’n blaar was nog nooit so lekker nie! Ons het die resep by die Marigold-restaurant op Franschhoek gebedel en dit toe ’n bietjie vereenvoudig.

Vars tuingroente met groente-doopsouse

Serves: 6 Nutrition facts: 200 calories 20 grams fat

Ingredients

• olie vir diepbraai
• 1 bossie spinasie
Beslag
• 250 ml (1 k) kekerertjiemeel
• 125 ml (½ k) mielieblom
• 15 ml (1 e) garam masala
• 5 ml (1 t) borrie
• 5 ml (1 t) brandrissiepoeier
• 250 ml (1 k) water

Instructions

1 Voorverhit die olie in ’n groot kastrol of diepvetbraaier tot 180 °C.
2 Verwerk al die bestanddele vir die deeg in ’n middelslag-mengbak tot glad.
3 Doop die spinasieblare in die beslag en laat die oortollige beslag afdrup.
4 Diepbraai die blare tot goudkleurig en krakerig. Dreineer op kombuispapier.
5 Sit saam met die doopsouse voor.