Valentynsdaggeskenke

Stap-vir-stap Origami-hartjie

Stap 1: Vou die reghoek in die helfte met die patroon aan die buitekant.

Stap 2: Vou dit weer in die helfte om die middellyn te merk. Maak dit dan weer oop.

Stap 3: Vou die een kant boontoe teen ’n 45° hoek sodat die rand in lyn is met die middelpunt.

Stap 4: Herhaal stap 3 met die ander kant.

Stap 5: Draai die papier om. Vou die bokant afwaarts (omtrent 1/3 van die gedeelte).

Stap 6: Vou die hoeke om ’n hartjie te vorm.

Inligting deur NetFlorist.

Resep vir langdurende rose …

Jou rose is dors en moet tussen agt en 12 ure water drink om versadig te word. Met goeie behandeling sal jou rose langer hou.

– As jy rose vir langer as 15min buite water was, sny 2cm van die stamme af teen ’n hoek om die waterinname te verhoog. Gebruik ’n skerp mes of skêr en moenie die stam buig of beskadig nie.
– Verwyder enige verkleurde blare aan die roos se buitekant en enige blare wat onder die waterlyn voorkom.
– Vul ’n vaas (nie-metaal) met water en voeg een sakkie “blomkos” by.
– As jy die stamme elke twee tot drie dae sny, sal die rose langer hou. Wanneer jy die stamme klaar gesny het, was die vaas en gooi nuwe water en ’n nuwe sakkie “blomkos” in voordat jy die rose herrangskik.
– Hou die rose weg van direkte sonlig, lugverkoeling en hitte – sodoende sal dit langer hou.

Resep vir blomkos:
1 Eetlepel suiker (om die blomme energie te gee)
1 Teelepel blykmiddel (om enige bakterieë dood/skoon te maak)
1 Teelepel asyn (om die blomme nuwe lewe te gee)
2 Liter water
Meng al die bestanddele saam en voeg die nodige hoeveelheid by die blomme se water.

Inligting deur NetFlorist.