Tyd vir tee

Deur Elandrè Swart. Hooffoto: pexels.com

5 Wenke vir ’n teepartytjie by die huis

1 Opsies

Dis altyd moeilik om almal se tee-keuses te onthou. Belê in tee-vir-een teepotjies vir jou gaste sodat elkeen hul eie een het.

Lees ook: 3 heerlike ystee-resepte

5 Gemak

Hou jou teepartytjie informeel. Oor die jare is baie van ons se teestelle nie meer volledig nie, om ’n verskeidenheid teekoppies te hê is ’n nuwe neiging in dekor.

Foto: Charles Russel

Gaan uit vir tee

Ka Pa Tee: (De Waterkant, Kaapstad)

Ka Pa Tee is ’n teekroeg in Kaapstad waar tee van regoor die wêreld gekoop en geproe kan word. Vir R100 kan jy vyf verskillende tees proe en vir R150 kan jy ’n tee-en-brownie passing doen.

Kontak: [email protected]

Mount Nelson

Middagtee is een van die Mount Nelson se grootste tradisies wat al vir jare gehou word. ’n Groot verskeidenheid word hier aangebied met meer as 40 tees om van te kies en vingerhappies om daarmee saam te geniet. Daar is ook ’n teekenner aan diens vir enige navrae wat jy dalk mag hê. Kostes vanaf R285.

Kontak: [email protected]

Lady Bonin

Kyk uit vir die boheemse blou karavaan vir hierdie rondritser. Lady Bonin reis na al die verskillende markte en feeste. Sy bied ’n alternatief aan vir wegneemkoffie. Met meer as 23 verskillende tees beskikbaar is sy definitief iemand om voor uit te kyk.

Kontak: 083 628 2504

Harbour House (Constantia Nek)

Met sy panoramiese uitsig oor die Constantiavallei, op een van die oudste wynplase van die omgewing, is Harbour House met sy middagtees van Maandae tot Saterdae van 14:00-17:00. Daar is twee verskillende potte tee om van te kies en selfs ’n vonkelwyn- en ’n koffie-opsie. Jy kan kies tussen die klein opsie vir R300 vir twee met ligter vingerhappies of die groter opsie vir R530 vir twee met ’n groter verskeidenheid van eetgoed.

Kontak: [email protected]