Twilight is 10 jaar oud

Stephenie Meyer het talle aanhangers verras deur die reeks met nóg ’n boek genaamd, Life and Death: Twilight Reimagined, aan te vul. Dié boek is ’n nuwerwetse vertelling van die oorspronklike verhaal, maar dit het ’n yslike kinkel: die geslagsrolle van die hoofkarakters is omgeruil.

'); googletag.cmd.push(function() { googletag.display('dfp-300x250-1'); }); document.write(''); }

Dit bring die nuwe karakters, Edythe (Edward), Julie (Jacob) en Beau (Bella) tot gevolg. Die verhaal word dus vanuit Beau se oogpunt vertel en hoewel sommige van die karakters se eienskappe deur die loop van die verhaal verander, meen Meyer dat Beau en Bella baie dieselfde is.

'); googletag.cmd.push(function() { googletag.display('dfp-300x250-6'); }); document.write(''); }

Dit was juis dié karakter van Bella wat Meyer geïnspireer het om die karakters se rolle om te ruil. Sy was geïnspireer deur verskeie vrae oor Bella se kwesbaarheid as mens teenoor haar vampier-vriende wat Twilight-lesers aan haar gerig het. Sy wou met dié boek toets of ’n manlike karakter dieselfde mate van kwesbaarheid sou ervaar en die antwoord is inderdaad, ja.

'); googletag.cmd.push(function() { googletag.display('dfp-300x250-2'); }); document.write(''); }

Die nuwe vertelling was veronderstel om bloot oor ’n paar hoofstukke te strek, maar ná Meyer die voorwoord geskryf het, het ongeveer 400 bladsye van ’n nuwe fantasiewêreld gou daarop gevolg. Daar is selfs ’n nuwe voorblad ontwerp waarin die ikoniese rooi appel deur ’n glinsterende Granny Smith vervang is.

Dié weergawe is egter nie alleenlik beskikbaar nie. Dit vorm deel van die herdenkingsuitgawe van die oorspronklike verhaal. Kyk dus uit vir die oorspronklike Twilight-voorblad met die nuwe ontwerp op die keersy.

'); googletag.cmd.push(function() { googletag.display('dfp-300x250-3'); }); document.write(''); }