Tuiskombuis van ’n kosghoeroe

Wilna Basson van Chocolat Bistro

Sy woeker nie net met kos nie, maar is ’n gerekende sakevrou met haar vingers op die pols van haar restaurant. Haar tuiskombuis is ruim en ingerig vir lang kuiers saam met vriende. Haar kombuis spog met ’n reuse vuurherd waarin haar stoof pas.

Melissa van Melissa’s

Melissa se tuiskombuis straal ’n ouwêreldse heilsaamheid uit waar kos gemaak word soos Ouma dit nog gedoen het. Hier is geen espresso-masjiene of mikrogolfoonde te bespeur nie. Boeretroos kom uit ’n kan, vergesel met tuisgebakte brood en plaasbotter.

Ina Paarman

Ina Paarman is volksbesit. Haar kombuis is deurspek met die kruie en speserye wat ons almal so goed ken asook ’n stapel resepteboeke. Sy is prakties en glo dat die yskas en stoof in ’n driehoek geleë is om tyd te bespaar en ekonomies te kook.