Tuile blaartjies

Instructions

Voorverhit die oond tot 180 °C. Voer ’n bakplaat met ’n silikoonbakmatjie uit. Spuit andersins ’n bakplaat met kleefwerende kossproei.

1. Klits die eierwit en suiker vir sowat 30 sek. in ’n middelslagmengbak. Verlaag die spoed van die klitser en voeg die meel en ’n knypie sout by en meng goed.
2. Voeg laastens die botter en room by en meng vir nog 30 sek.
3. Sit die blaarstensil in die hoek van die bakplaat. Smeer met ’n paletmes ’n dun lagie van die beslag oor die stensil. Lig die stensil op en herhaal 4 keer. Dis beter om minder op ’n slag te bak omdat dit ná die bakslag vinnig hard word.
4. Bak vir 6-8 min. tot goudbruin. Haal uit en haal die tuiles onmiddellik van die bakplaat af en sit oor ’n koekroller sodat dit soos ’n blaartjie omkrul. Laat afkoel. Herhaal tot die beslag opgebruik is.