kategorieë: Reis

The Last Word Constantia, Kaapstad

Ons is uitgenooi om ’n aand by die vyfsterbederfplek, The Last Word Constantia in die Kaap se oudste wynvallei, deur te bring.

'); googletag.cmd.push(function() { googletag.display('dfp-300x250-1'); }); document.write(''); }

Wie almal daar was:
Ek en my reismaat, Wilma

'); googletag.cmd.push(function() { googletag.display('dfp-300x250-6'); }); document.write(''); }

Wanneer:
Februarie 2012

'); googletag.cmd.push(function() { googletag.display('dfp-300x250-2'); }); document.write(''); }

Waar ons oorgeslaap het:
In een van die ligte, fleurige Poolside Suites

Waar ons geëet het:
Ontbyt in die sonnige eetkamer met sy wit rottangstoele waar vars vrugte en verbeeldingryke ontbytgeregte jou verlei, maar veral “the last word in filter coffee”

'); googletag.cmd.push(function() { googletag.display('dfp-300x250-3'); }); document.write(''); }

Wat het dit onvergeetlik gemaak?
Die intieme, vredige atmosfeer wat kort voor lank in jou siel kom sit

Wat het jy van die plek of die mense te wete gekom wat jou steeds fassineer?:
Hoe hulle geweet het waar om die allerlekkerste biltong, neute en nougat op te spoor en hoekom hulle so gaaf was om dit vryelik in die kamer beskikbaar te stel!

Waarheen sou jy wou teruggaan?
Ek sou graag weer skemertyd ’n glasie wyn in die magiese tuin, met die berge stil in die agtergrond, wou klink.

Tuiskoms

Die verlange na geborgenheid – die soort wat jy hopelik met jou aankoms op aarde in jou ma se arms ervaar het – verlaat ons nooit werklik nie. Ek hoop ek tel as een van die groot gros volwassenes wat min of meer normaal funksioneer, maar soms ervaar ek ’n behoefte aan die koestering van my kleintyd. Dit sou so lekker wees as iemand anders net ’n rukkie lank sagkens na my wou omsien. Iemand wat na vrede voel.

Toe ons op ’n volmaakte somersaand by The Last Word Constantia instap, vou die genoeglikheid my toe. Hoekom, kon ek nie sê nie. Soms is ons bloot gelukkig om ’n ruimte te betree wat met ’n liefdevolle intensie en ’n fyn oog vir tekstuur, vorm en kleur weldadig op ons inwerk.

Die verwelkoming deur Sam agter die ontvangstoonbank was gul. Kort voor lank was ons in ons suite waar ons in ‘n bank met bekoorlike blompatrone kon wegsak en ’n glasie sjerrie kon skink met een oog op die privaatswembad en ’n aanvallige eikeboom.

Dis die klein gebaartjies wat die verskil maak. Vars blomme in ’n vaas, baldadige swemhanddoeke, laprose op die verwelkomingsbriefie langs die bed en in die badkamer. Dit was ’n uitdaging om te besluit watter een van die luukse badprodukte ek saam met my in die badwater wou hê. Soos alles by The Last Word, omgewe die geure jou subtiel en word jou sintuie byna ongemerk betrek. ’n Besondere lekkerte was dat ek en my vriendin vooraf enkelbeddens kon aanvra en boonop tussen ’n duvet en lakens en komberse kon kies.

Omdat die swembad voor The Last Word Constantia se leefvertrekke met sonkrag verhit is, het ek vir ’n vroegoggendswemsessie kans gesien. Langs die swembad het ek my verkyk aan die grootste stuk rooskwarts wat ek nog ooit teëgekom het. En dan is daar die tuin – een wat woorde kwalik kan beskryf. Bougainvillea, marmaladebos, melkbossie, takbokvaring, olifantsoor, kanna, dahlias, sterblom … elke plant kennelik sielsgelukkig.

Dit was nie maklik om dié plek van vrede te groet nie. Ek het egter ’n voëltjie hoor fluit dat hier die heerlikste high teas aangebied word. Waar is daardie wenslysie van my?

Die frase op die brosjure sê dit soos dit is: The Last Word in Intimate Hotels.

Meer inligting by 021 7942036, F 021 7942069, info@thelastword.co.za of www.thelastword.co.za

Knoop dit in jou oor dat die tariewe ontbyt en alle drankies insluit. Daarby kan jy die inhoud van die minikroeg gratis gebruik. Hou die webwerf dop vir spesiale aanbiedings.

Deel
Gepubliseer deur
Rooi Rose

Onlangse plasings

‘The Mommy Club’ se Johandri: “As dit soos hoërskooldrama voel, hou ek my afstand”

Showmax se gewilde werklikheidsreeks, The Mommy Club: Van die Hoofstad bied ’n vars, maar soms…

4 days Gelede

Nuwe herfsspyskaart by Creation is meer as kos en wyn

Deur Maryke Roberts. Foto’s: Clifford Roberts     Creation het ook pas by die Eat…

4 days Gelede

Koek met sjokolade en souterige karamel

Lewer 1 groot koek   Bestanddele   Karamel met sout 200 g suiker 60 ml…

4 days Gelede

Vyf vrae aan Anna Davel oor Suidoosterfees se ‘Konsert van Hoop’

Die 22ste Suidoosterfees word ingelui deur ’n indrukwekkende konsert van populêre en klassieke musiek. Anna…

4 days Gelede

Vyf-vinnige-vrae met Kristen Raath oor ‘Niggies’ en ma-wees op skerm

Hooffoto: Stavros Cassapis   Sedert die eerste episode van Niggies op kykNET uitgesaai is, het…

4 days Gelede

PAS BEKEND | Nuwe kykNET-reeks verken dramas en intriges van nuuskantoor

Adri Joubert was vir twee dekades die koel, kalm, gerusstellende gesig en stem van die…

4 days Gelede

Hierdie webwerf gebruik koekies.