’n Sterk Maleise en Indiese invloed is duidelik te sien én te proe in verskeie Mauritiaanse geregte soos dié tandoorilam. Tradisioneel word die vleis aan lang staalpenne geryg en in ’n tandoor-oond (’n groot kleipot met warm kole onderin) laat sak. Die vleis word murgsag en het ’n heerlike geroosterde smaak. Ons het die lam eers in jogurt gemarineer en toe in ’n riffelpan gerooster om dieselfde effek te kry.

Tandoorilam

Serves: 4 Nutrition facts: 200 calories 20 grams fat

Ingredients

180 ml (¾ k) Bulgaarse jogurt
2 sprietuie, dun gesny
5 ml (1 t) garam masala
5 ml (1 t) fyn gerasperde gemmer
1 knoffelhuisie, gekneus
3 ml (½ t) rissiepoeier
500 g lamsvleis, soos ontbeende lamsboud, in 3 cm-blokke gesny
sout en gemaalde swartpeper
hand vol kruisementblare, fyn gekap
hand vol grasuie, fyn gekap

Instructions

Meng 60 ml (¼ k) van die jogurt met die sprietuie, garam masala, gemmer, knoffel en rissiepoeier. Meng die lam deur en marineer vir minstens 1 uur of oornag.
Druk die vleis op 8 bamboes- of sosatiestokkies en skraap die ergste sous af. Verhit ’n riffelpan oor matige tot hoë hitte en braai die sosaties vir 1-2 min. aan elke kant tot goudbruin en gaar. Geur na smaak.
Meng die res van die jogurt, kruisement en grasuie en sit met die lamsosaties voor.

tandoori lamsvleis

Michelle Nortje

Lees Meer

Spogspyskaart vir Kersfees

18/12/2024

Maklike resepte vir ’n maand

01/07/2024

5 lekker hoemoes-resepte

13/05/2024