Tamatietert

Resep deur Vickie de Beer, bygestaan deur Margie Els, Michéle Stander, Melissa Pecoraro. Foto’s deur Michael le Grange. 

Genoeg vir 4.

Bestanddele:

• 400 g (1 rol) blaardeeg
• 15 ml olyfolie
• 60 ml (¼ k) botter
• 2 uie, gesny
• 30 ml (2 e) bruinsuiker
• sout en gemaalde swartpeper
• 500 g (2 hande vol) kersietamaties, gehalveer
• Parmesaankrulle vir bo-op hand vol roketblare of basiliekruidblare

Metode

1. Voorverhit die oond tot 200°C.
2. Verhit die olie en botter oor matige hitte saam.
3. Soteer die uie en suiker vir ± 10 min. tot gekarameliseer. Geur na smaak.
4. Pak die tamaties, gesnyde kante na onder op ’n bakplaat. Skep die uie oor die tamaties en die blaardeeg bo-op.
5. Bak vir ± 30 min. tot gaar. Die deeg sal nie baie goudkleurig bak nie.
6. Keer die tert om en bedien met parmesaankrulle en vars roket.