Tagliatelle met kersietamaties en tuna

Genoeg vir 4.

Bestanddele

Gebruik tuisgemaakte tagliatelle

• 500 g kersietamaties, gewas
• 30 ml olyfolie
• seesoutvlokkies soos Maldon of Cerebos
• 10 ml fyn gekapte knoffel
• 1 ansjovisfilet
• 15 ml kappertjiesaad (capers)
• gerasperde skil van 1 suurlemoen
• 2 blikkies (170 g) tuna in olie, uitgekeer
• ’n groot hand vol vars basiliekruidblare
• 5-6 bolletjies buffalo-mozzarella
• 125 ml basiliekruidpesto
• 500 g tuisgemaakte tagliatelle, gekook

Metode

1. Verhit die olie in ’n groot pan oor ’n hoë hitte, voeg die tamaties by en braai tot hulle oopbars. Skud die pan kort-kort.
2. Voeg die sout, knoffel, ansjovis, kappertjiesaad en suurlemoenskil by en braai vir nog 3 min. Trek van die hitte af voeg die tuna in stukke, basiliekruid en mozzarella by.
3. Verdeel die pasta tussen 4 borde en skep die tamatie-sous oor.
4. Eindig met ’n skeppie pesto en gemaalde swartpeper.