Hooffoto: Instagram / @tatjanaschoen
Die egpaar, wat in April 2022 verloof geraak het, het die naweek hul ewige trou aan mekaar in die welige omgewing van die Pat Busch-bergreservaat in Robertson belowe. Tatjana en Joel het Maandag op Instagram hul spesiale dag met pragtige troufoto’s deur Olivia Booyse van Veld Films gevier.
View this post on Instagram
Rachel Kolisi, wat toevallig die bruidegom se ouer suster is, het ook na die troue ‘n plasing op Instagram gemaak en geskryf:
“My boetie het met die skouspelagtigste vrou getrou en ek kon letterlik nie meer dankbaar wees vir hierdie liefde nie ❤️”
Die gelukkige getroudes, wat in Februarie vanjaar hul verhouding bekend gemaak het, het hul verlowing twee maande later in April bevestig, toe Joel die groot vraag tydens ‘n staptog in Constantia aan die wêreldkampioen in 200 m-borsslag gevra het.
‘n Instagram-plasing deur Tatjana, wat hul verlowing aankondig, lui:
“Moenie worry nie, ek weet wat julle almal dink: ‘Hoekom het hy so lank geneem?’ 😂 ONS IS VERLOOF 💍❤️”
View this post on Instagram
Schoenmaker het in September haar kombuistee saam met vriende, familie en Joel gevier – al woon die bruidegom tradisoneel nie die kombuistee by nie.
View this post on Instagram
In afwagting vir haar troudag het Tatjana geskryf:
“Dit het alles begin met ‘n dm… Kan jy glo dit het alles hierop neergekom? ❤️”
Baie geluk aan mnr en mev Smith!
Lees ook: ‘n Pollard-pienkvoet is op pad!
