Swartland wen algeheel, maar Stellenbosch bo in Merlot-kompetisie

Deur Maryke Roberts. Foto’s: Clifford Roberts

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Kloovenburg, die bekende Swartlandse wynlandgoed buite Riebeek-Kasteel, het in vanjaar se Hallo Merlot Top 10-kompetisie die hoogste wyntelling vir die derde agtereenvolgende jaar behaal en as algehele presteerder uit die stryd getree.

'); googletag.cmd.push(function() { googletag.display('dfp-300x250-2'); }); document.write(''); }

Die kompetisie is vanjaar vir die derde maal gehou en sonder Suid-Afrika se tien beste Merlot-wyne uit.

Benewens die eer dat sy Merlot 2021 op die top 10-lys pryk, het Kloovenburg ook ‘n nuwe eikehoutvat gewen, wat deur die Franse kuipery, Taransaud, weer vanjaar se hoofborg van die Hallo Merlot Top 10 was. Die voorwaarde van Taransaud was dat wie ookal die vaatjie wen, dit alleen na hul voertuig moes dra en dit het natuurlik vir groot pret gesorg toe wynmaker Duncan Stuart dié takie moes verrig!

'); googletag.cmd.push(function() { googletag.display('dfp-300x250-3'); }); document.write(''); }

Die aankondiging is vandeesweek by Vrymansfontein, die nuwe restaurant, wynproelokaal en kuierplek van Vondelingwyne in Suider-Paarl, gemaak. Gaste kon eers met produsente gesels; ouer Merlots uit vorige kompetisies proe en toe nadat die aankondiging gemaak is, al die Top 10 Merlots proe.

Die Swartland-streek het dalk die kalklig gesteel met die hoogste punte, maar die Stellenbosch-wynstreek het die Hallo Merlot Top 10 oorheers, met agt Stellenbosch Merlots op vanjaar se erelys. Stellenbosch se Nilberg-landgoed het twee wyne in die Top 10 – die Merlot 2017 en Merlot Reserve 2018 – terwyl Bein Private Cellar vir die derde agtereenvolgende jaar ‘n top-posisie behaal het, hierdie keer met Bein Little Merlot 2021.

Ander Stellenbosse produsente in die Top 10 is: Delaire Graff (Banghoek Reserve Merlot 2021), Dornier (Merlot 2020), Glenelly (Glass Collection Merlot 2020), Quoin Rock (Merlot 2021) en Zorgvliet (Merlot 2021).

Anthonij Rupert Wyne van Franschhoek, maak dit ‘n volronde Top 10 met sy Anthonij Rupert Merlot 2018.

Dawie Botha, voorsitter van die Hallo Merlot Forum en wynmaker by Anthonij Rupert Wyne, het gesê dat die uitslae van die derde Top 10 Merlot-kompetisie weer die algehele verbintenis tot gehalte deur Suid-Afrikaanse wynmakers wat Merlot maak, sowel as die streeks terroir-uitdrukking wat in die vervaardiging van hierdie wyne gevind word, onderstreep.

“As die top-verkoper enkelvariëteit rooiwyn in Suid-Afrika, was die ontbrekende skakel in die land se Merlot-aanbiedings maar altyd die gebrek aan ‘n kompetisie om dié variëteit te evalueer, én om erkenning aan die top-produsente te gee,” het Botha gesê.

“Hierdie derde Hallo Merlot Top 10 het presies dit gedoen: 63 wyne is uit al die groot Kaapse wynstreke ingeskryf. Dit toon ‘n diversiteit van terroir, wat ingespan word deur ‘n kollektiewe verbintenis om uitstekende wyne van hierdie gewaardeerde Bordeaux-variëteit te maak. Plaaslike wyndrinkers koop meer Merlot as enige ander enkele rooi variëteit, en hierdie kompetisie poog om ‘n bewustheid te skep van die hoë wynmaak-standaard en die spesifieke streeksidentiteite wat in die land se Merlot-aanbieding voorkom.

“Die gewildheid van Merlot is die gevolg van wynliefhebbers wat kwaliteit ervaar wanneer hulle hierdie wyn geniet, en die kompetisie wil ook hierdie feit vier.”

Vanjaar se beoordelaars was Matthew Copeland (sameroeper) van Vondelingwyne, Jenna Higgins (Windmeulkelder), sommelier LeRoi Van de Vyver, Samarie Smith-Meletiou, Morné Vrey van Delaire Graff en Shane Mumba, sommelier en drank- ambassadeur, wat ook verbonde is aan die SA Brandewynstigting.

Matthew het in sy beoordelaars-terugvoer gesê agt van die Top 10 Merlots is ouer as vyf jaar en dit maak hom opgewonde. Dis ’n veer in Merlot se hoed. En dié wat jonger is, toon die ongelooflike verouderingspotensiaal van dié variëteit.”

Lees ook: Dis weer fliektyd met kykNET Silwerskermfees