Suurlemoenkoek

Ingredients

• Bak eerstens ’n basiese sponskoek (klik hier vir die resep)
• Basiese suurlemoenstroop
• 1 Meng 125 ml water en 125 ml suiker in ’n klein kastrol.
• 2 Roer aanhoudend tot die suiker smelt, maar moenie laat borrel nie.
• 3 Gooi 45 ml suurlemoensap by. Draai die hitte hoër en kook vir 1 min.
• 4 Gooi die warm stroop oor die warm koek sodra dit uit die oond kom.
•  
• Basiese suurlemoensmeer
• 1 Klits 4 eiers, 2 eiergele en 180 ml (¾ k) strooisuiker saam.
• 2 Roer 180 ml (¾ k) suurlemoensap en 125 g botterblokkies by.
• 3 Mikrogolf vir 8-9 min. op 50% krag en roer elke minuut tot die mengsel dik word en die agterkant van ’n lepel bedek.
• 4 Skep in skoon, gesteriliseerder bottels en hou in die yskas.
•  
• Sit die koek aanmekaar
• 1 Smeer dik lae van die suurlemoensmeer tussen elke laag koek.
• 2 Laat set in die yskas.
• 3 Haal uit en sit die koek op ’n dienbord. Smeer een laag van die basiese botterversiersel op die koek en sit terug in die yskas sodat dit hard kan word.
• 4 Eindig met ’n laaste laag botterversiersel en tooi met suikerblommetjies.
•