Suid-Afrikaanse sportsterre skitter oor die naweek

Deur Anet Schoeman

'); googletag.cmd.push(function() { googletag.display('dfp-300x250-1'); }); document.write(''); }

Koeksisters en melktert sou glad nie uit plek gelyk het hierdie afgelope naweek op Wimbledon nie. Met Kevin Anderson (mans enkelspel)  en Raven Klaasen (mans dubbelspel) beide in eindrondtes het die SA-vlag trots gewapper. Rolstoeltennisster, Kgothatso Montjane, word ook die eerste swart Suid-Afrikaner wat in die semi-finaal vir die vroue-enkelspel speel. En op die Sachsenring-baan in Oos-Duitsland het ons volkslied trots oor die baan weergalm toe Brad Binder sy eerste Moto2 oorwinning behaal het.

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Kevin Anderson in die Wimbledon-eindstryd

Op Woensdag 11 Julie 2018 het uitgehongerde Suid-Afrikaners die eerste voorsmakie van nasionale trots gekry toe Kevin Anderson vir Roger Federer in ’n valbylpot in die kwarteindrondte op Wimbledon verslaan het. “Klou vas aan jou drome”, was Anderson se boodskap aan die Suid-Afrikaanse jeug na sy epiese oorwinning oor die legendariese Federer.

“Ek hoop werklik dit is ’n voorbeeld van hoe mens aan jou drome moet vashou en aanhou om in jouself te glo. Ek sê altyd ek was in dieselfde posisie. Dis nie maklik om van Suid-Afrika te kom nie, want dis baie ver verwyderd van die tennis-omgewing.”

'); googletag.cmd.push(function() { googletag.display('dfp-300x250-3'); }); document.write(''); }

Met hierdie wedstryd het Kevin die eerste Suid-Afrikaner in die Wimbledon semi-finaal geword in die laaste 97 jaar. Die laaste Suid-Afrikaanse speler was Brian Norton wat in 1921 die eindstryd gehaal het. Kevin Curren het in 1985 in die eindstryd op Wimbledon gespeel, maar hy het toe reeds Amerikaanse burgerskap aanvaar toe hy teen die 17 jarige Boris Becker verloor het.

En toe kom die naelbyt-ek-kan-nie-meer-kyk-nie-uithoumarathon teen John Isner. Die twee hemelbesems (Kevin is 203 cm – 6 voet 8 duim – en Isner is 208cm – 6 voet 10 duim) het mekaar telkens met hul diensbeurt getroef en so het dit vir 50 potte oor ses uur en 36 minute geduur tot Kevin die westryd gewen het.

Kevin het wel in die eindstryd teen Novak Djokovic verloor, maar elke patriotiese hart het steeds warm geklop.