Stadig geroosterde Marokkaanse lamsblad deur Vickie de Beer. Foto: Charles Russel

Stadig geroosterde Marokkaanse lamsblad

Serves: 8 Nutrition facts: 200 calories 20 grams fat

Ingredients

45 ml (3 e) fyngekapte knoffel
30 ml (2 e) fyngerasperde gemmer
5 ml (1 t) fyngekapte rooi brandrissie
5 ml (1 t) komynsaad
5 ml (1 t) sout
30 ml (2 e) gerookte paprika
2,5 ml (½ t) borrie
60 g botter
2,8 kg heel lamsblad (met die rib en blad in)
2 uie, dik gesny
1 heel knoffelknol, opgebreek
5-6 lourierblare
hand vol tiemie
30 ml (2 e) olyfolie
sout en swartpeper
2 uie, geskil en dik gesny

Instructions

1 Voorverhit die oond tot 170 °C.

2 Meng die knoffel, gemmer, brandrissie, komyn-saad, sout, paprika, borrie en botter. Smeer die botter-mengsel oor die lamsblad.

3 Sit die uie, knoffel, lourierblare en tiemie in ’n groot oondpan en sit die lam bo-op. Sprinkel die olyfolie oor die lam en geur met ekstra sout en swartpeper. Voeg 125 ml
(½ k) water by. Maak die pan met foelie toe en rooster die vleis vir 4 uur of tot die lam baie sag is.

4 Trek die vleis met 2 vurke uitmekaar, haal die bene uit en roer die vleis deur die pansouse.