kategorieë: Ons menseBekendes

Spesiale potgooi oor ‘Niggies’ gaan al jou vrae beantwoord

Die eerste episode van kykNET se nuwe dramareeks, Niggies, was skaars uitgesaai toe kykers al begin vra het vir meer inligting.

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Niggies is immers gegrond op ware gebeure – die opspraakwekkende ontvoering, verkragting en moord van die twaalfjarige niggies Issie Fourie en Petro Nel in 1966 in Odendaalsrus. Issie se broer, André, het skuldig gevoel omdat hy saam met die niggies swembad toe moes gaan, en hy het gesweer dat hy alles in sy vermoë sal doen om die skuldiges op te spoor. Dit is eers egter in 1984, nadat André by die polisie aangesluit het dat die saak weer met erns ondersoek is.

'); googletag.cmd.push(function() { googletag.display('dfp-300x250-2'); }); document.write(''); }

In die dae ná die eerste episode was dit nie net kykers wat meer oor die misdaad wou weet nie. Die media het ook in hulle argiewe gaan snuffel na ou artikels oor dié opspraakwekkende saak wat destyds die land geruk het.

'); googletag.cmd.push(function() { googletag.display('dfp-300x250-3'); }); document.write(''); }

kykNET het in die lig van die geweldige belangstelling in Niggies en die ware misdaad waarop dit gegrond is, besluit om die eerste keer ook ’n aantal potgooie ter aanvulling van ’n dramareeks te maak. Daar sal nou ’n podsending ná afloop van elke derde episode van Niggies wees waarin kykers se tartende vrae nie net beantwoord gaan word nie, maar ook onderhoude met belanghebbendes en kenners gevoer sal word.

Die doel is nie net om agter die skerms van Niggies in te loer nie, maar ook om te kyk wat werklik plaasgevind het en hoekom. Wie sou so iets wreeds kon doen? Waarom gebeur dit? Wat gebeur met ’n familie wanneer sulke trauma hulle tref?

Kabous Meiring is die aanbieder, en die potgooi word deur DStv se multiplatformspan, onder leiding van Renaldo Schwarp, vervaardig.

“Die potgooi bied ’n aangrypende blik op die ware saak,” sê Renaldo. “Met elke episode weef ons verskeie stemme saam: kenners en sleutelrolspelers om die sielkunde, familiedinamiek en regsverloop daarvan te ontleed. Met Kabous aan die stuur, delf ons in die ongekende lae van hierdie tragedie en die impak daarvan. Vir die aanhangers van ware misdaad, die #CrimeTok-speurders en liefhebbers van die reeks, is dit ’n kans om die legkaart soos nog nooit te vore te bou nie.”

  • In die eerste episode is Kabous se gas Willem van der Merwe, seun van Poppie Fouché, die jongste niggie wat nie daardie dag in 1966 saam swembad toe gegaan het nie.
  • Casper Steenkamp, ’n kliniese sielkundige, gesels in episode twee met Kabous.
  • In die derde episode is die gaste die kriminoloog Stacey Venter, die voormalige staatsaanklaer Adv. Helene Booysen en Annelie Coleman, wat in 1984 as jong joernalis die saak in die hooggeregshof gedek het.

Daar sal drie podsendings wees: een elk ná episodes drie, ses en nege van Niggies. Die potgooie sal op Spotify, YouTube en ook DStv Stream beskikbaar wees. Hou kykNET se sosialemediaplatforms dop vir skakels daarna en meer inligting.

KYK | Amptelike Lokprent: Niggies: Die potgooi met Kabous Meiring

Niggies is op Dinsdae om 20:00 op kykNET (DStv-kanaal 144) en is ook op DStv Stream en Catch Up beskikbaar.

Lees ook: Vyf-vinnige-vrae met Beer Adriaanse oor Niggies en sy intensste rol nóg

Deel
Gepubliseer deur
Karlien Meiring

Onlangse plasings

‘Kokkedoor Vuur & Vlam’: Regte egte boskos kortwiek byna van die deelnemers

“Daar’s ’n paar goed wat natuurlik so ég Suid-Afrikaans is, dis so moeilik om dit…

9 hours Gelede

Motorneuronsiekte: 5 vroeë simptome om raak te sien

Jy stik dalk nie maar net toevallig nie. Van die tekens sluit simptome wat mens…

17 hours Gelede

Nare bedmaats: Raad vir stofmyte

Nare bedmaats: Raad vir stofmyte deur Anet Schoeman. Hooffoto: iStock/fongleon356   As jy volgende keer tussen…

2 days Gelede

Sensitiwiteit: ’n Gawe of ’n vloek?

Sensitiwiteit is nie ’n swakheid of iets wat reggemaak moet word nie. Dis iets wat…

2 days Gelede

Bob Martin se virtuele portaal vir troeteldierversorging

Soms is dit moeilik om die ouer van ’n troeteldier te wees, veral wanneer dit…

2 days Gelede

Wat soek ‘Kokkedoor: Son & See’ se beoordelaars? Sjef Yolani Abrahams vertel

Die passievolle kos-entoesias Yolani Abrahams (32) is saam met Herman Lensing een van die beoordelaars…

2 days Gelede

Hierdie webwerf gebruik koekies.