kategorieë: Sukses en geldJou lewe

Spaar geld op vakansie

Deur Anet Schoeman. Foto Pexels

'); googletag.cmd.push(function() { googletag.display('dfp-300x250-1'); }); document.write(''); }

Dit is uiteindelik verby – die baie lang en platsak Januarie en Februarie waar jy klippe gekou het om jou begroting te laat klop na jou effens oordadige feestyduitgawes. Boonop moes ouers ook diep spit om skoolgelde en uitgawes vir universiteit en ander opleidingsopsies te befonds.

'); googletag.cmd.push(function() { googletag.display('dfp-300x250-6'); }); document.write(''); }

Nou is die eerste vakansie voor die deur en jy voel lus om die leisels so effens skiet te gee. Of hoe?

'); googletag.cmd.push(function() { googletag.display('dfp-300x250-2'); }); document.write(''); }

“Ligloop vir die onbeplande uitgawes van vakansies,” sê Taryn Schmidt van Wonga South Africa, ’n maatskappy wat korttermynlenings aanbied. Sy sê mense besef nie dat hulle soms meer geld kan spandeer as hulle met Jan Tuisbly se karretjie ry nie. “Dit is baie moontlik om binne 24 uur meer geld by die huis te spandeer op spesiale vakansievergunnings soos aktiwiteite, kos en fliek teenoor dieselfde tyd wat jy in ’n vakansiehuis by die see deurbring en die dag by die huis bly. En dan wonder mense wat het skeef geloop as hul begroting teen die einde van die maand nie wil klop nie.

'); googletag.cmd.push(function() { googletag.display('dfp-300x250-3'); }); document.write(''); }

Waar kan jy spaar?

Webwerwe soos Airbnb maak dit vir gesinne of groepe vriende moontlik om verblyf teen billike pryse te bekom. Dit gee jou ook die opsie om jou eie kos te maak teenoor peperduur etes in ’n hotel. Dis veral prakties met kinders omdat hulle in baie gevalle nie van die hotel se kos hou nie of met ’n bakkie graanvlokkies sit na jy vir die buffet met gerookte salm betaal het.

Om as ’n gesin van vier vir drie aande in ’n restaurant te eet, kan dieselfde kos as ’n week se bestanddele as julle self kosmaak. Of jy vlieg of self ry, pak eetgoed vir die kinders in. Raak weer opgewonder oor die mandjie met padkos en eet jou eie kos eerder as om by ’n wegneemrestaurant te stop. Daar is altyd oulike skaduplekkies buite die restaurant waar jy in veiligheid jou eie kos kan eet en die badkamers kan gebruik.

Probeer ons resep vir Skotse piekniekeiers

Jan Tuisbly se karretjie

Oorweeg dit om hierdie jaar tuis te bly vir die vakansie, maar doen jou beplanning om seker te maak dat jy nie weens ’n skuldige gewete meer geld op die kinders spandeer as wat ’n weggaan-vakansie sou kos nie.

Fyn beplanning is die wagwoord. Beplan vooraf watter vriende jy wil sien, watter interessanthede jy wil doen en plekke wat jy wil besoek. Daar is hope gratis goed wat jy kan doen. Doen ’n soektog “Free things to do in Johannesburg” en vervang jou dorp of stad in die naam. Jy sal aangenaam verras wees met die juweeltjies in jou eie omgewing.

Lees ook: Vakansiewenke vir ouers met jong kinders

Kry ’n begroting

As jy voor die tyd spaar en seker maak jy bly by jou begroting, hoef jy nie agterna in sak en as te sit as jy uitwerk hoeveel jy spandeer het nie. Dis ook goed vir kinders om vooraf deel te wees van die proses. Verduidelik vir hulle wat dinge kos en laat hulle help kies. Dalk moet hulle kies of hulle ’n pizza-aand wil hê of ’n fliek wil gaan kyk. Dan word dit sommer ’n waardevolle lewensles.

Maak jul pizza-aand opwindend en bak self ’n pizza (vir poeding). Klik hier

Sorg hierdie jaar dat goeie beplanning en ’n begroting jou met gemoedsrus laat vakansie hou.

Vir meer wenke oor begroting deur Wonga, besoek moneyacademy.co.za

Deel
Gepubliseer deur
Michelle Nortje

Onlangse plasings

Skuinskoek

Genoeg vir 8   Bestanddele   625 ml (2½ k) koekmeel 125 ml (½ k)…

24 hours Gelede

Vinnige Peppermint Crisp-tert

Mev. Sannie Bosman van Pretoria was in Mei, 2005 ons Teetydtreffer-wenner vir haar lekker vinnige…

1 day Gelede

Vyf-vinnige-vrae-Vrydag met Anton Goosen oor die verloop van tyd en sy nuwe musiek

Die Liedjieboer Anton Goosen is terug met ’n storie wat die hart tref. Anton, een…

1 day Gelede

Die beste wenke om jou huis en lewe uit te sorteer

Die voordele wat ontklottering vir ons inhou, word wyd besing. Om te ontklotter beteken nie…

1 day Gelede

9 tekens wat wys jy is dower as wat jy dink

Dink gou oor hierdie vraag: Moet jy mense sien om hulle te kan hoor? Dan…

1 day Gelede

Bak op vuur? ‘Kokkedoor’-wenspan deel hul wenresep

  Dit was die woorde waarmee glanssjef Bertus Basson die deelnemers aan vanjaar se naelbyt-seisoen…

2 days Gelede

Hierdie webwerf gebruik koekies.