Genoeg vir 6
• 3 aartappels, geskil en halfgaar gekook
• ½ ui, fyn gekap
• 1 knoffelhuisie, fyn gekap
• 170 g chorizo, dun gesny
• 15 ml (1 e) olyfolie
• 125 ml (½ k) cheddar, gerasper
• 6 groot eiers, liggies geklop
• 30 ml (2 e) melk
• knypie komyn
• knypie paprika
• sout en gemaalde swartpeper
Voorverhit die oond tot 180 °C.
1 Sny die afgekoelde en halfgaar aartappels in dun skywe.
2 Soteer die ui, knoffel en chorizo in die olyfolie tot goudbruin. Haal van die hitte af en skep uit die pan.
3 Gebruik dieselfde pan en pak die aartappels, chorizomengsel en kaas afwisselend daarin. Eindig met aartappels.
4 Meng die eiers, melk, komyn en paprika. Geur en gooi oor die aartappels. Skud die pan liggies sodat die melkmengsel goed deursyfer.
5 Laat prut stadig vir 5-10 min. oor matige hitte. Sit in die oond sodra die kante begin stol en bak tot gaar en goudkleurig. Druk ’n toetspen in om seker te maak die gereg is deurgaar.
Lees Meer
