Somertyd is piekniektyd

Somertyd is piekniektyd deur Cornel Dunn. Hooffoto: Johan Wilke

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Simon’s by Groot Constantia

Soek vir jou ’n skaduplekkie onder een van die groot eikebome by Groot Constantia. Jy kan ’n vooraf-verpakte piekniekmandjie vanaf Simon’s bestel. Die mandjies bevat ’n versameling van patees, doopsouse, baguette’s, tuisgemaakte koue vleise, hoenderslaai, aartappelslaai met mosterdmayonnaise, groenslaai, kaas, beskuitjies en konfyte. Voeg hierby ’n bottel landgoedwyn en jy het die perfekte piekniek.
Webblad: simons.co.za

'); googletag.cmd.push(function() { googletag.display('dfp-300x250-2'); }); document.write(''); }

'); googletag.cmd.push(function() { googletag.display('dfp-300x250-3'); }); document.write(''); }

Cape Point Vineyards in Noordhoek

Hierdie landgoed kyk uit oor die Noordhoekstrand en die pieknieks is werklik besonders. Die grasperke kyk uit op ’n rustige dam. Daar is heerlike kussings om op te lê sowel as tafels en stoele vir diegene wat dit verkies. Die mandjies sluit couscous-slaai, patee, bobotie pannekoeke, geroosterde eiervrug, plaaslike kase en koeksisters in.
Webblad: cpv.co.za

Kirstenbosch Tea Room

Kirstenbosch is ’n baie gewilde piekniekbestemming. Hier kan jy jou eie piekniek saamneem of bestel vanaf die restaurant. Die mandjie sluit ’n slaai, toebroodjie van jou keuse, botterbroodjies sowel as water en sap in.
Webblad: ktr.co.za

Galileo Open Air Cinema

Hier kan jy kies uit ’n verskeidenheid bestemmings. Dit vind byvoorbeeld plaas op verskeie wynplase, Kirstenbosch sowel as Kelvin Grove en ander plekke. Hier kan jy jou eie piekniekmandjie vul met lekkernye van die kosstalletjies op die perseel.
Webblad: Thegalileo.co.za

Lees ook: Gesonde piekniekresepte

Canto Durbanville

Canto bied ’n unieke piekniekervaring. Hier kan jy ook jou mandjie vul met items waarvan jy hou. ’n Beginner-mandjie kos slegs R110 en sluit kaas, toebroodjies en koue vleis in. Vir die soet tande is daar ook makrolletjies beskikbaar.
Webblad: Cantowines.co.za

Items vir jou eie piekniek

1. Twee-plek piekniekmandjie en toebehore (R499) @Home
2. 4 plastiekborde (R59.99) Mr Price Home
3. 4-stuk piekniekstel (R399) Cape Union Mart
4. Gestreepte piekniekkombers (R250) Woolworths
5. Groot naweekkoelhouer (R189.99) Woolworths
6. Joseph Joseph eetgereistel (R349) @Home
7. Piekniek-koelhouer (R279.99) Woolworths
8. Piekniekmandjie (R899) Cape Union Mart
9. Piekniek-rugsak (R999) Cape Union Mart

Verskaffers:

@Home |home.co.za

Woolworths |woolworths.co.za

Cape Union Mart |capeunionmart.co.za

Mr Price Home |mrphome.co.za

https://daddysdeals.co.za/things-to-do-in-cape-town/