Soet springmielies

Skiet springmielies so:

1. Verhit sowat 30-45 ml olyfolie oor hoë hitte in middelslagkastrol met ’n deksel.
2. Gooi ’n koppie springmielies by en roer deur tot al die mielies met olie bedek is.
3. Sit die deksel op en wag tot jy die eerste springmielie hoor spring!
4. Verlaag hitte tot matig. Wag tot al die pitte geskiet het. Skud die kastrol nou en dan.
5. Haal af en geur met sout.

Soet springmielies:

(Begin soet kombinasies met gesmelte botter: Smelt 50 g botter oor lae hitte en gooi oor die springmielies.)

• Donkersjokolade en lemoenskil met geroosterde haselneute.
• Gesnyde, sagte karamellekkers en amandels met Horlicks.
• Melkpoeier, fyn kaneel, neutmuskaat en ’n bietjie naeltjies gemeng met klein malvalekkers en sultanas.