Droom jy al jou lewe lank om ’n boek te skryf, maar weet nie waar om te begin nie? Of die boek is geskryf, maar geen uitgewer wil dit aanvaar nie?
E.L. James – die skrywer van die suksesvolle 50 Shades of Grey-trilogie wat met haar gewaagde erotiese literatuur ( of te wel “mommy porn”), die wêreld aan die gons het, het ook nie oornag sukses gesmaak nie. Sy het dit aanvanklik as ’n blog-storie van die Twilight-reeks geskryf. Die trilogie is uiteindelik deur ’n klein Australiese uitgewer, The Writer’s Coffee Shop, raakgesien wat dit as e-boeke vrygestel het sowel as druk-op-aanvraag. Sy het baie kritiek verduur dat die boeke swak geskryf is, maar feit bly staan: mense vertrap mekaar om die boeke te koop.
James se boeke word tans deur Random House uitgegee en het die reeks het in 2013 alleen meer as 95 miljoen dollar uit boekverkope gemaak (ongeveer R950 miljoen), wat haar die topverkoper-skrywer op die Forbes-lys van 100 skrywers vir 2013 plaas.
Raad van E.L.James aan aspirantskrywers:
“Skryf vir jouself. Hou op dink dat jy wil begin skryf – gaan sit en skryf. Al het jy net een spesifieke toneel in jou gedagtes. Dalk ’n beskrywing van ’n persoon of plek, of ’n kort dialoog. Jy hoef nie by die begin te begin nie. As jy eers iets op papier het, sal dit jou inspireer om te skryf.”
Lees meer by www.eljamesauthor.com/
Lees Meer
