Beroep:
Hoof van die Isa Carstens-velsorgakademie.
Ouderdom:
Byna 52
Wat is jou skoonheidsgeheim?
Daar is geen geheim nie. Gereelde oefening, gesonde eetgewoontes, water en ’n daaglikse skoonheidsroetine werk. Moenie moed verloor nie, dis die basis van goeie velsorg. Vitamienaanvullings en velbehandelings help ook.
Is ’n mooi vel in jou gene?
Ja, gelukkig het ons familie oor die algemeen nie velprobleme nie.
Watter produkte gebruik jy?
Ek gebruik vir twintig jaar al Gatineau-produkte, maar ek het die afgelope jaar met Nimue begin.
Gaan jy gereeld vir velbehandelings, mikro-dermabrasie of botoks?
Ek probeer gereeld gaan, maar ek moet bieg dat ek verlede jaar laas ’n behandeling gehad het. Ek het nog nie mikro-dermabrasie, botoks of enige vullers gehad nie.
Wat is jou beste velsorgraad?
Volgehoue roetine, aanvullings soos omega 3, ko-ensiem Q10, vitamien C en boosterbehandelings soos serums, afskilferings en produkte met ’n sterker inhoud.
Lees Meer
