Skep ’n tuiskantoor

Ontwerperstuiskantore is nie noodwendig prakties nie. Luukse gestoffeerde eetkamerstoele lyk pragtig, maar bied geen ondersteuning vir jou rug nie. Piepklein antieke lessenaars bied nie genoeg spasie vir ’n rekenaar, drukker en papierwerk nie. Die dramatiese rooi muur bokant jou rekenaarskerm kan jou later irriteer. Hier is 7 wenke vir die perfekte tuiskantoor:

1 Volg die reëls oor ligging en hoogte

Die bokant van jou rekenaarskerm behoort ooghoogte te wees. So rol jou oë afwaarts as jy lees wat jou oë bevogtig. Dit verhoed oog-moegheid. Plaas ook jou toetsbord so dat jou arms parallel met die vloer is. Pas jou stoel aan sodat jou voete op die grond of op ’n dwarsbalk van die stoel rus.

Foto: iStock/petrunjela

2 Natuurlike lig

Moenie jou tuiskantoor in ’n donker hoekie van jou huis inrig nie. Kies ’n area naby ’n venster. Dit is goed vir natuurlike lig asook ’n uitsig as jy ’n breek wil neem.

3 Beligting

Al gebruik jy natuurlike lig, is bykomende lig belangrik. Meeste dakligte is onvoldoende vir kantoorwerk. Kry ’n goeie lessenaarlamp vir jou kantoor.

iStock/KatarzynaBialasiewicz

4 Kreatiewe stoorplek

Liasseerkabinette is nie baie aantreklik nie, so span alternatiewe maniere in om jou papierwerk te stoor. Oop rakke met mandjies werk baie goed en is sag op die oog.