Meng al die droë bestanddele in ’n mengbak. Voeg die water stadig by en meng tot ’n deeg vorm. Knie die deeg vir sowat 5 min. Sit in ’n mengbak wat liggies met olie gesmeer is en bedek met ’n kombuislap. Laat tot dubbel die grootte rys.
Knie die deeg af en voeg die sjoko-ladestukkies by. Knie die sjokolade deur die brooddeeg.
Verdeel die deeg in 4 dele. Vorm elke stuk in ’n langwerpige rol van omtrent 4 cm dik en rol om ’n stok. Laat vir sowat 15 min rys.
Braai die stokbrood vir 20-25 min. sowat 30 cm bo matige kole. Braai vir omtrent 5 min. aan ’n kant voor jy dit omdraai. Sit met die gesoute karamelsous voor.