Gebruik John West se ingemaakte gekapte knoffel, gemmer en rissie om tyd te bespaar.
Genoeg vir 4
Satay-sous
60 ml (¼ k) grondboontjiebotter
45 ml (3 e) mangoblatjang
sap van 1 lemmetjie
15 ml (1 e) heuning
30 ml (2 e) sojasous
125 ml (½ k) klappermelk
5 ml (1 t) gekapte knoffel
15 ml (1 e) gekapte gemmer
15 ml (1 e) gekapte rissie
Roerbraai
30 ml (2 e) olyfolie
500 g varkfilet, in dun repies gesny
5-6 sprietuie, gesny
2 hande vol mangetout (jong groenertjies in die peul)
hand vol koljanderblare, gekap + ekstra vir bo-op
125 ml (½ k) rou grondboontjies
30 ml (2 e) swart sesamsaad
500 ml (2 k) gaar jasmynrys
1. Meng die Satay-sous bestanddele saam en geur na smaak. Hou eenkant.
2. Verhit die olie oor hoë hitte in ’n wok of groot braaipan. Braai die varkrepies in 2 sarsies vir 3 min. tot goudbruin en gaar. Geur na smaak.
3. Verlaag die temperatuur, gooi die sataysous oor en roer tot deurwarm. Roer die sprietuie, mangetout, koljanderblaar en grondboontjies deur.
4. Meng die sesamsaad deur die jasmynrys, strooi die res van die koljanderblare oor die roerbraai en sit voor.
Lees Meer
