Sampioenkragsop

Genoeg vir 8

• 15 ml (1 e) olyfolie
• 1 ui, gekap
• 1 prei, gekap
• 2 wortels, gekap
• 4 knoffelhuisies, gekneus
• 25 g droë porcini-sampioene (kry dit by supermarkte soos Checkers en Woolworths)
• 5 ml (1 t) sout
• 500 g sampioene (soos sjiïtake en portobellini), liggies skoongevee en gesny
• Bouquet garni, gemaak van 2 takkies tiemie, 3 salieblare, 2 lourierblare, 2 takies orego en 2 takkies pietersielie

Opdiening
• 250 g gemengde, eksotiese sampioene
• 15 ml (1 e) olyfolie
• sout en gemaalde swartpeper

1 Verhit die olyfolie in ’n groot kastrol en braai die ui oor hoë hitte tot goudkleurig. Voeg die prei, wortels en knoffelhuisies by. Braai vir nog 8-10 min. of tot goudbruin.
2 Voeg die porcini-sampioene, sout, sampioene, 4.5 liter water en bouquet garni by.
3 Bring tot kookpunt, verlaag die hitte en prut vir 1 uur.
4 Opdiening: Braai die sampioene vinnig oor hoë hitte in die verhitte olyolie, geur met sout en swartpeper. Gooi die sop in ’n sopbakkie en skep die gebraaide sampioene bo-op.