Salmpakkies met kappertjiepesto | rooi rose
Mon-Fri 09.00 - 17.00

Salmpakkies met kappertjiepesto

13/07/2015

Salmpakkies met kappertjiepesto

Serves: Genoeg vir4 Nutrition facts: 200 calories 20 grams fat

Ingredients

  • Pesto
  • 1 hand vol basiliekruidblare
  • 1 hand vol kappertjieblare (afgespoel)
  • 3 knoffelhuisies, gekneus
  • 60 ml (¼ k) dennepitte
  • 60 ml (¼ k) fyn gerasperde parmesaankaas
  • 250 ml (1 k) olyfolie
  • sout en gemaalde swartpeper
  • Salm
  • sowat 500 g salm, forel of ander lynvis
  • ’n hand vol kappertjieblare met stingels (afgespoel)
  • 4-6 sprietuie, in repies gesny
  • 2 klein vinkelbolle, in repies gesny
  • 1 lemmetjie of suurlemoen in dun skyfies gesny en nog 1 vir sap
  • 10 cm gemmer in dun skyfies gesny
  • seesout
  • 4 velle bakpapier in 30 cm-sirkels gesny

Instructions

Pesto

1. Verwerk die blare, knoffel, dennepitte en parmesaankaas in ’n voedselverwerker tot ’n gladde pasta.
2. Gooi die olyfolie in ’n dun straaltjie by terwyl die masjien hardloop. Die sous sal verdik en bymekaar kom wanneer dit ’n emulsie vorm.
3. Stop die masjien en skep die pesto in ’n opdienbakkie.

Salm

Verhit die oond tot 180 °C.
1. Verdeel die vis in 4 ewe groot porsies.
2. Sit die 4 bakpapiersirkels op ’n skoon werkvlak.
3. Sit ’n hopie van die kappertjieblare, sprietuie en vinkel in die middel van elke sirkel.
4. Sit ’n visporsie op die blare. Geur met sout en druk ’n bietjie suurlemoensap oor.
5. Pak ’n paar skyfies lemmetjie en gemmer op elke visporsie en vou die pakkies soos ’n toebroodjie toe.
6. Sit op ’n bakplaat en bak vir 15 min. Haal uit die oond en vou die pakkies oop.
7. Sit elke pakkie net so op die bord en sit met vars kappertjieblare en die kappertjiepesto voor.

 



Avatar
Rooi Rose

Lees Meer

New Yorkse bagels met salm en roomkaas
06/06/2022
’n Koue kos-Kersspyskaart
03/12/2017
Slaai in bottels
16/01/2017




Send this to a friend