SA se ‘golden girl’, Tatjana doen dit weer!

Tatjana Smith (voorheen Schoenmaker), het Maandagaand gewys waarom sy Suid-Afrika se golden girl is toe sy die 100 m-borsslag-eindstryd by die Olimpiese Spele in Parys, Frankryk gewen het.

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Die 27-jarige swem-ster het Suid-Afrika se eerste goue medalje by vanjaar se Olimpiese Spele met ‘n tyd van 1:05.28 gewen. China se Tang Qianting het silwer met ‘n tyd van 1:05.54 ingepalm en Ierland se Mona McSharry het ‘n derde plek met haar tyd van 1:05.59 behaal.

'); googletag.cmd.push(function() { googletag.display('dfp-300x250-3'); }); document.write(''); }

Tatjana het vanjaar se Olimpiese Spele met hoë verwagtinge betree, nadat sy ‘n silwer medalje in die 100m-borsslag en ‘n goue medalje in die 200m-borsslag by Tokio in 2020 gewen het.

Sy het Sondag by die Parys La Defense Arena twee skouspelagtige oorwinnings in haar uitdun- en halfeindrondes behaal en haar beste tyd in die item geswem sedert haar prestasie in Tokio drie jaar gelede.

Smith het in 2020 by Tokio die eerste Suid-Afrikaanse vrou geword om ‘n Olimpiese goue medalje in swem sedert 1996 te wen.

Intussen het Pieter Coetzé ‘n vyfde plek in die mans-100 meter-rugslag-eindstryd behaal.

Lees ook: Swemkampioen Tatjana Schoenmaker en Joel Smith hak die knoop in Robertson deur