Tatjana Smith (voorheen Schoenmaker), het Maandagaand gewys waarom sy Suid-Afrika se golden girl is toe sy die 100 m-borsslag-eindstryd by die Olimpiese Spele in Parys, Frankryk gewen het.
Die 27-jarige swem-ster het Suid-Afrika se eerste goue medalje by vanjaar se Olimpiese Spele met ‘n tyd van 1:05.28 gewen. China se Tang Qianting het silwer met ‘n tyd van 1:05.54 ingepalm en Ierland se Mona McSharry het ‘n derde plek met haar tyd van 1:05.59 behaal.
🏅Gold Medal Alert! 🏅
Tatjana Smith wins the Women’s 100m Breaststroke! This is South Africa’s first gold medal at #Paris2024
Congratulations, Tatjana! 👏👏👏 #TeamSA #Olympics #ForMyCountry pic.twitter.com/spIHZA3m1R— Team South Africa (@OfficialTeamRSA) July 29, 2024
Tatjana het vanjaar se Olimpiese Spele met hoë verwagtinge betree, nadat sy ‘n silwer medalje in die 100m-borsslag en ‘n goue medalje in die 200m-borsslag by Tokio in 2020 gewen het.
Sy het Sondag by die Parys La Defense Arena twee skouspelagtige oorwinnings in haar uitdun- en halfeindrondes behaal en haar beste tyd in die item geswem sedert haar prestasie in Tokio drie jaar gelede.
![](https://www.rooirose.co.za/wp-content/uploads/2024/07/GettyImages-2164021549-1170x750-1-500x321.jpg)
(Foto: Maddie Meyer/Getty Images)
Smith het in 2020 by Tokio die eerste Suid-Afrikaanse vrou geword om ‘n Olimpiese goue medalje in swem sedert 1996 te wen.
Intussen het Pieter Coetzé ‘n vyfde plek in die mans-100 meter-rugslag-eindstryd behaal.
Lees ook: Swemkampioen Tatjana Schoenmaker en Joel Smith hak die knoop in Robertson deur