Ruby & Roach ryg toekennings in

Ruby & Roach ryg toekennings in. Deur Maretha Botes.

Dié kortfliek, waarin Ruby, ’n rooi olifant, en Roach, ’n pers kokkerot, die hoofrolle vertolk, het reeds 12 toekennings in verskillende kategorieë soos Beste Animasie, Beste Rolprent, Beste Oorspronklike Musiek, en Beste Klankontwerp, ontvang. Ruby & Roach is deur Dorette Nel vervaardig.

Dorette het haar kreatiewe medewerkers met sorg gekies. Uit die sestal was vier vroue. Erentia Bedeker was die “rolprentspan” (regisseur, konsep-ontwerper, pop- en stelbouer, kameravrou en animeerder), bygestaan deur Diek Grobler as artistieke regisseur. Mart-Marie Snyman en Siobhan Lloyd-Jones (viool) het die musiek versorg en Charles Badenhorst het die klankontwerp gedoen.

 

View this post on Instagram

 

A post shared by Mart-Marie Snyman Music (@martmariesnyman)

Toekennings sluit in dié by die Independent Online Filmfest, Winter Edition, asook die wenner van Beste Animasie by die Toronto Film and Script Awards. Hulle was ook onder meer ’n finalis in die kategorie Beste Animasie-kortfilm by die Hollywood Art and Movie Awards (2021) en wenner van Beste Animasie by die Cannes Indie Cinema Awards in 2021.

Hooffoto: Andrea Caldwell