Rooi Thai kerriesous | rooi rose
Mon-Fri 09.00 - 17.00

Rooi Thai kerriesous

13/07/2009

~

Dis gerieflik om klaarbereide souse in die vrieskas te hê sodat jy vinnig heerlike, aromatiese geregte kan berei. Jy kan hoenderrepies of garnale vinnig gaarmaak en net die sous oorgooi. Of gooi die sous oor ’n heel hoender en bak dit soos gewoonlik in die oond. Kook sommer ekstra rys en vries dit vir volgende keer om nog meer tyd te spaar. Deur Vickie de Beer

Rooi Thai kerriesous

Serves: 6 Nutrition facts: 200 calories 20 grams fat

Ingredients

  • 30 ml (2 e) botter
  • 1 ui, gekap
  • 1 knoffelhuisie, gekap
  • 3 cm vars gemmer, gerasper
  • 1 brandrissie, fyn gekap
  • 15 ml (1 e) meel
  • 6 e rooi Thai-kerriepasta
  • 2 x 400 g klappermelk
  • ’n groot hand vol vars kruisement, koljander- en basiliekruidblare

Instructions

  1. Soteer die ui, knoffel, gemmer en brandrissie in die botter tot sag en deursigtig. Voeg die meel by en roer tot dit met die botter bedek is.
  2. Voeg die kerriepasta by en braai vir ’n minuut of twee oor lae hitte.
  3. Voeg die klappermelk by en meng goed. Geur met sout en gemaalde swartpeper. Laat oor lae hitte prut tot die sous effens verdik.
  4. Voeg die kruie net voor opdiening by.

 

 



Avatar
Rooi Rose

Lees Meer

Lenteslaai met ’n verskeidenheid eiers
30/10/2024
Kerrie-herderspastei
18/10/2024
Kerriehoenderpastei met maklike aartappeldeeg
16/10/2024




Send this to a friend