rooi rose-joernalis se wendrama in Radioteater

Skokonthullings in die media oor seksmisdrywe waarby godsdiensleiers na bewering by betrokke was, weerklink in die joernalis Martie Swanepoel (Martie is die skrywer van ons populêre kortverhaal Dans met die rooirok en vorige aanlynsepie Botox, Barbies en Bietse) se bekroonde radiodrama, Sonate.

'); googletag.cmd.push(function() { googletag.display('dfp-300x250-1'); }); document.write(''); }

Sonate, die naaswenner in RSG en Sanlam se Radiodrama-skryfkompetisie vir 2014, handel oor ’n bejaarde konsertpianis, Ansa, wat haar jeug in haar predikantpa en ma se pastorie onthou … Veral haar klavierlesse by die orrelis se huis, waar sy agter toe gordyne seksueel gemolesteer is.

'); googletag.cmd.push(function() { googletag.display('dfp-300x250-6'); }); document.write(''); }

Vir haar ouers was hy die “liewe oom Stan”, maar vir Ansa is hy die man wat haar jeug gesteel het en haar na dwelms gedryf het. Erger as sy molestering is haar ouers wat haar nooit wou glo nie.

'); googletag.cmd.push(function() { googletag.display('dfp-300x250-2'); }); document.write(''); }

Met Alzheimer se siekte wat haar onthou by tye verdoof, het sy nog een laaste begeerte: om Beethoven se Maanligsonate weer voor ’n gehoor uit te voer, triomfantelik, soos voorheen. Dit is ’n wedloop teen tyd …

Sonate is opgevoer met Rina Nienaber in die hoofrol, Rika Sennett as die ma, Francois Stemmet as oom Stan en Ria Smit as die versorger. Die spelleiding is deur die bekroonde radiodrama-regisseur, Bettie Kemp, behartig.

'); googletag.cmd.push(function() { googletag.display('dfp-300x250-3'); }); document.write(''); }

Sonate kan op Donderdag 30 April om 21:10 gehoor word. Dit is sowat ’n uur later as die gewone uitsaaityd en volg na ’n regstreekse uitsending van vanjaar se Suidoosterfees.

Radioteater is elke Donderdagaand op RSG (100 tot 104 FM). Die radiodrama word Maandagoggend tussen 01:00 en 02:00 in Deurnag herhaal.